• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ചട്ടംലംഘിച്ച് തങ്ങിയ നേതാക്കന്മാരെ ഓടിച്ചു

ആലപ്പുഴ: പ്രചാരണസമയം കഴിഞ്ഞിട്ടും തിരഞ്ഞെടുപ്പ് നടക്കുന്ന മൂന്ന് മണ്ഡലങ്ങളിലും ഒളിച്ചു കഴിഞ്ഞിരുന്ന നേതാക്കളെ മറ്റു പാര്‍ട്ടിക്കാര്‍ നാടുകടത്തി.

ഇവരില്‍ പലരും അയല്‍ മണ്ഡലങ്ങളിലും മറ്റുമായി തങ്ങുകയാണ്. ശനിയാഴ്ച തിരഞ്ഞെടുപ്പ് കഴിയുന്നതോടെ ഇവര്‍ക്ക് അതാത് മണ്ഡലങ്ങളില്‍ തിരിച്ചെത്താം.

വെള്ളിയാഴ്ച ആദ്യം കണ്ടുപിടിക്കപ്പെട്ട നേതാവ് സിപിഐ സംസ്ഥാന അസിസ്റ്റന്റ് സെക്രട്ടറി കെ ഇ ഇസ്മയില്‍ ആണ്. ആലപ്പുഴ മണ്ഡലത്തിലെ ഒരു ലോഡ്ജില്‍ രഹസ്യമായി താമസിക്കുകയായിരുന്ന ഇദ്ദേഹത്തെ കോണ്‍ഗ്രസുകാരാണ് കണ്ടെത്തിയത്.

പിന്നീട് കളക്ടറുടെ നിര്‍ദ്ദേശപ്രകാരം ഇദ്ദേഹത്തിന് മണ്ഡലം വിട്ട് പോകേണ്ടിവന്നു. ഇസ്മയില്‍ തിരഞ്ഞെടുപ്പ് പെരുമാറ്റച്ചട്ടം ലംഘിച്ചുവെന്ന് കാണിച്ചാണ് യുഡിഎഫ് കളക്ടര്‍ക്ക് പരാതി നല്‍കിയത്.

ഇസ്മയിലിനെ കണ്ടെത്തിയ നേതാക്കള്‍ ലോഡ്ജില്‍ ചെറിയ തോതില്‍ പ്രശ്‌നമുണ്ടാക്കി. പിന്നാലെ ശോഭന ജോര്‍ജ്ജ് ഇടതുപക്ഷക്കാരുടെ കണ്ണില്‍പ്പെട്ടു. തിരഞ്ഞെടുപ്പ് പ്രചാരണത്തിനെത്തിയ ഇവര്‍ ദിവസങ്ങളായി നഗരത്തിലെ റിസോര്‍ട്ടില്‍ താമസിച്ചുവരുകയായിരുന്നു.

റിസോര്‍ട്ടില്‍ വച്ച് അമ്മയുടെ പിറന്നാള്‍ ആഘോഷിക്കാന്‍ തയ്യാറെടുക്കുമ്പോഴാണ് ഇടതു പ്രവര്‍ത്തകര്‍ ഇവരെ പൊക്കിയത്. ജനപ്രതിനിധിയല്ലെന്നും കോണ്‍ഗ്രസില്‍ ഭാരവാഹിത്വമില്ലെന്നും പറഞ്ഞെങ്കിലും ഫലിച്ചില്ല. ശോഭനക്ക് റിസോര്‍ട്ട് വിട്ട് പോകേണ്ടിവന്നു.

നഗരത്തിലെ വാടകവീട്ടില്‍ നിന്നും ടി.എന്‍ പ്രതാപനെയും ബാബുപ്രസാദിനെയും പ്രവര്‍ത്തകര്‍ പൊക്കി മണ്ഡലം കടത്തിവിട്ടു. ഇവര്‍ മാരാരിക്കുളത്തുള്ള ഒരു വീട്ടില്‍ തങ്ങുകയാണ്.

അവധി ദിവസം വീട്ടിലിരിക്കാമെന്ന് കരുതിയെത്തിയ കേന്ദ്രമന്ത്രി കെവി തോമസിനെ തിരഞ്ഞെടുപ്പ് കമ്മീഷന്‍ സ്ഥലം മാറ്റി. പള്ളുരുത്തി മണ്ഡലത്തിലാണ് തോമസിന്റെ വോട്ടും, വീടും ഇതുകൊണ്ട് ഏറണാകുളത്ത് പ്രവേശിക്കുന്നതില്‍ വിലക്കുണ്ട്. എന്നാല്‍ പ്രചാരണ സമയം കഴിഞ്ഞിട്ടും കണ്ണൂരില്‍ ഏതെങ്കിലും നേതാക്കള്‍ തങ്ങിയതായി വിവരമില്ല.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more