പന്നിപ്പനി : ഇന്ത്യയില്‍ മരണം 500 കടന്നു

ദില്ലി: എച്ച്1എന്‍1 വൈറസ് ബാധയെ തുടര്‍ന്ന് മൂന്ന് പേര്‍ കൂടി മരിച്ചതോടെ രാജ്യമൊട്ടാകെ പന്നിപ്പനി ബാധിച്ച് മരിച്ചവരുടെ എണ്ണം 505 ആയി. ചൊവ്വാഴ്ച മഹാരാഷ്ട്രയില്‍ രണ്ട് പേരും കേരളത്തില്‍ ഒരാളുമാണ് പനി ബാധിച്ച് മരിച്ചത്.

മഹാരാഷ്ട്രയിലാണ് ഏറ്റവും അധികം പനി മരണമുണ്ടായത്. ഇവിടെ മാത്രം 207 പേര്‍ മരിച്ചിട്ടുണ്ട്. 117 പേര്‍ മരിച്ച കര്‍ണാടകയാണ് പനി മരണത്തില്‍ രണ്ടാമത് നില്‍ക്കുന്ന സംസ്ഥാനം.

108 പേര്‍ക്കു പുതുതായി പനി ബാധിച്ചതായി സ്ഥിരീകരിച്ചിട്ടുണ്ട്. ഇതോടെ രാജ്യമൊട്ടാകെയുള്ള പനിബാധിതരുടെ എണ്ണം 14,680 ആയി ഉയര്‍ന്നു.