പ്ലേബോയ് കമ്പനി വില്പനക്ക്
പ്ലേ ബോയ് എന്ന് കേള്ക്കുമ്പോള് ഇപ്പോഴും പ്രതാപത്തിന് കുറവൊന്നുമില്ലെങ്കിലും കമ്പനിക്ക് അരിഷ്ടതയുടെ നാളുകളാണിത്. സാമ്പത്തിക മാന്ദ്യവും പരസ്യരംഗത്തുണ്ടായ ഇടിവുമാണ് പ്ലേ ബോയ് കമ്പനിയുടെ പ്രശ്നത്തിലാക്കിയത്.
സാമ്പത്തിയെ തരണം ചെയ്യാന് കഴിയാതായതോടെ കമ്പനി വില്ക്കാന് മാനേജ്മെന്റ് തീരുമാനിക്കുകയായിരുന്നു. കമ്പനി വില്പ്പനക്ക് വച്ചിരിക്കുന്നുവെന്ന വാര്ത്ത പുറത്തുവന്നതോടെ ഇവരുടെ ഓഹരിക്ക് മൂല്യം വര്ധിച്ചിട്ടുണ്ട്.
പ്ലേബോയിയുടെ മുന് പ്രസിഡന്റായിരുന്ന ജിം ഗ്രിഫിത്ത് കമ്പനി വിലയ്ക്കെടുക്കാനൊരുങ്ങുന്നുണ്ട്. ഗോള്ഡ്ന് ഗേറ്റ് ക്യാപിറ്റല് എന്ന ഓഹരികമ്പനിയുമായി ചേര്ന്ന് പ്ലേബോയ് വാങ്ങാനാണ് ഇദ്ദേഹത്തിന്റെ നീക്കം. ഐക്കണിക്സ് എന്ന പ്രമുഖ ബ്രാന്റ് മാനേജ്മെന്റ് കമ്പനിയും പ്ലേബോയ്ക്കായി രംഗത്തുണ്ട്.
ഒരു കാലത്ത് പ്ലേബോയിയുടെ മുഖ ചിത്രമാവുകയെന്നത് ഹോളിവുഡ് നടിമാരുടെ മുഖ്യ അഭിലാഷങ്ങളില് ഒന്നായിരുന്നു. പലരും ഇതിനവസരം കാത്തുനിന്നിരുന്നു. പ്ലേബോയിയുടെ കവര് ചിത്രങ്ങളില് പ്രത്യക്ഷപ്പെട്ടതോടെ പ്രശസ്തിയിലേയ്ക്കുയര്ന്നവര് കുറച്ചൊന്നുമല്ല ഹോളിവുഡിലുള്ളത്.