കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

റാണയ്ക്ക് ബിസിനസുകാരന്‍ വിരുന്നൊരുക്കി?

  • By Staff
Google Oneindia Malayalam News

Terrorist
കൊച്ചി: ലഷ്കര്‍ തീവ്രവാദി താഹവൂര്‍ ഹുസൈന്‍ റാണെയ്‌ക്കും ഭാര്യയ്‌ക്കും കൊച്ചി സന്ദര്‍ശന വേളയില്‍ ബിസിനസുകാരന്റെ വീട്ടില്‍ സ്വീകരണം നല്‍കിയിരുന്നതായി റിപ്പോര്‍ട്ട്‌.

കൊച്ചിയില്‍ ട്രാവല്‍ ഏജന്‍സി ഉടമയായ ഇയാളെ റാണയുമായുള്ള ബന്ധത്തിന്റെ പേരില്‍ അന്വേഷണ ഏജന്‍സികള്‍ തുടക്കം മുതല്‍ ചോദ്യം ചെയ്‌തുവരികയാണ്‌.

റാണയും ഭാര്യയും കൊച്ചിയില്‍ എത്തിയ അന്നു വൈകീട്ടു തന്നെ ഈ ബിസിനസുകാരന്റെ വീട്‌ സന്ദര്‍ശിച്ചിരുന്നുവത്രേ. ഇരുവര്‍ക്കും ബിസിനസുകാരന്‍ താജ്‌ ഹോട്ടലില്‍ വൈകിട്ട്‌ ഡിന്നര്‍ നല്‍കിയിരുന്നുവെന്നും റിപ്പോര്‍ട്ടുകള്‍ സൂചിപ്പിക്കുന്നു.

അതേസമയം തനിക്ക്‌ റാണയുമായി ബിസിനസ്‌ ബന്ധം മാത്രമാണ്‌ ഉള്ളതെന്നും റാണയെ കുറിച്ച്‌ കൂടുതലൊന്നും അറിയില്ലെന്നും ഇയാള്‍ അന്വേഷണ സംഘത്തെ അറിയിച്ചെന്നാണ് സൂചന.

അമേരിക്കന്‍ മലയാളിയായ ജോസ്‌ എന്നയാളുടെ നിര്‍ദ്ദേശപ്രകാരമാണ്‌ താന്‍ റാണയ്‌ക്ക് സത്‌കാരം ഏര്‍പ്പെടുത്തിയതെന്നും ഇയാള്‍ അറിയിച്ചിട്ടുണ

ഇതിനിടെ റാണയുടെ ജാമ്യാപേക്ഷ പരിഗണിക്കുന്നത് കോടതി ഡിസംബര്‍ രണ്ടിലേക്ക് മാറ്റി. റാണയുടെയും എഫ് ബി ഐയുടെയും അപേക്ഷ പരിഗണിച്ചാണിത്. റാണയുടെ ജാമ്യാപേക്ഷ നവംബര്‍ 10 ന് പരിഗണിക്കാനാണ് ആദ്യം നിശ്ചയിച്ചിരുന്നത്. പിന്നീട് ഇത് 19 ലേക്ക് മാറ്റിയിരുന്നു.

പാകിസ്താനില്‍ ജനിച്ച കാനഡ പൗരനായ റാണ, അമേരിക്കന്‍ പൗരനായ ഡേവിഡ് കോള്‍മാന്‍ ഹെഡ്‌ലി എന്നിവരെ കഴിഞ്ഞമാസം എഫ് ബി ഐയാണ് അറസ്റ്റുചെയ്തത്.

ഇന്ത്യയിലും ഡെന്‍മാര്‍ക്കിലും തീവ്രവാദി ആക്രമണങ്ങള്‍ക്ക് പദ്ധതി തയ്യാറാക്കുന്നതിനിടെ ആയിരുന്നു അറസ്റ്റ്. മുംബൈ തീവ്രവാദി ആക്രമണത്തിന് തൊട്ടുമുന്‍പ് റാണ രാജ്യത്തെ കൊച്ചി അടക്കമുള്ള നഗരങ്ങള്‍ സന്ദര്‍ശിച്ചതിന് തെളിവുകള്‍ ലഭിച്ചിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X