കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മുരളിയുടെ തിരിച്ചുവരവ് സമയമെടുക്കും

  • By Staff
Google Oneindia Malayalam News

K Muraleedharan
ദില്ലി: കോണ്‍ഗ്രസിലേക്കുള്ള മുരളിയുടെ മടങ്ങിവരവിന് സമയമെടുക്കുമെന്ന് കേരളത്തിന്റെ ചുമതലയുള്ള എഐസിസി ജനറല്‍ സെക്രട്ടറി മൊഹ്‌സിന ക്വിദ്വായി പറഞ്ഞു. കെ മുരളീധരനെ കോണ്‍ഗ്രസില്‍ തിരിച്ചെടുക്കുന്നത് കെപിസിസിയുടെ വിവേചനാധികരമാണ്. കേരളത്തിന്റെ ആരെയെല്ലാം എടുക്കണം, എടുക്കേണ്ട എന്ന് അന്തിമമായി തീരുമാനിക്കുന്നത് ഹൈക്കമാന്റാണ്. എന്നാല്‍ സംസ്ഥാന നേതൃത്വത്തെ വിശ്വാസത്തിലെടുത്ത് കൊണ്ട് മാത്രമേ ഹൈക്കമാന്റിന് മുന്നോട്ട് പോകാനാവൂ. ഇതിനാല്‍ത്തന്നെ മുരളിയുടെ പുനപ്രവേശക്കാര്യത്തില്‍ തീരുമാനമെടുക്കാന്‍ സമയമെടുക്കും.

തിരിച്ചെടുക്കണമെന്ന് അപേക്ഷിച്ച് മുരളി ഹൈക്കമാന്‍ഡിന് നല്‍കിയ കത്ത് കെപിസിസിയ്ക്ക് കൈമാറുമെന്നും മൊഹ്‌സിന അറിയിച്ചു. സംസ്ഥാന നേതാക്കളുമായി ചര്‍ച്ച നടത്തി അവരുടെ എതിര്‍പ്പ് കുറയ്ക്കാന്‍ മുരളീധരന് ഹൈക്കമാന്റ് നിര്‍ദ്ദേശം നല്‍കിയിട്ടുണ്ടെന്നാണ് ലഭ്യമാകുന്ന വിവരം. പ്രതിപക്ഷ നേതാവ് ഉമ്മന്‍ ചാണ്ടിയുമായും കെപിസിസി പ്രസിഡന്റ് രമേശ് ചെന്നിത്തലയുമായും താന്‍ കൂടിക്കാഴ്ച നടത്തുമെന്ന് മുരളീധരന്റെ വെളിപ്പെടുത്തല്‍ ഈ പശ്ചാത്തലത്തിലാണെന്ന് കരുതപ്പെടുന്നു.

പാര്‍ട്ടിയില്‍ തിരികെ പ്രവേശിപ്പിയ്ക്കണമെന്നാവശ്യപ്പെട്ട് കഴിഞ്ഞ ദിവസമാണ് മുരളീധരന്‍ ഹൈക്കമാന്റിന് കത്ത് നല്‍കിയത്. ദില്ലിയിലെ മുരളീധരന്‍ മുതിര്‍ന്ന നേതാവ് എകെ ആന്റണിയുമായും ചര്‍ച്ച നടത്തിയിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X