ഓപ്ര വിന്ഫ്രേയുടെ ഷോ നിര്ത്തുന്നു
25 വര്ഷമായി സിബിഎസ് ടെവിഷനില് സംപ്രേഷം ചെയ്തുവരുന്നതാണ് ഈ പരിപാടി. യുഎസിലെ ഏറ്റവും വ്യക്തിപ്രഭാവമുള്ള ടെവിഷന് വ്യക്തത്വമായി വിന്ഫ്ര ഒട്ടേറെ തവണ തിരഞ്ഞെടുക്കപ്പെട്ടിട്ടുണ്ട്.
ചരിത്രം കുറിച്ച ഷോയുടെ അവസാന ദിവസം എന്നാണെന്ന കാര്യം അമ്പത്തിയഞ്ചുകാരിയായ വിന്ഫ്രേ അടുത്ത ദിവസം തന്നെ പ്രഖ്യാപിക്കുമെന്നാണ് അറിയുന്നത്.
ടോക് ഷോയുടെ സംപ്രേഷണം പൂര്ത്തിയാക്കിയശേഷം വിന്ഫ്രേ സ്വന്തം കേബിള് നെറ്റ് വര്ക്ക് ആരംഭിക്കും. ഒഡബ്ല്യൂഎന് ഓപ്ര വിന്ഫ്രേ നെറ്റ് വര്ക്ക് എന്നായിരിക്കും ചാനലിന്റെ പേര്, ഡിസ്കവറി നെറ്റ് വര്ക്കിന്റെ പങ്കാളിത്തത്തോടെയായിരിക്കും ഈ സംരംഭം തുടങ്ങുക.
2010ല് ചാനല് തുടങ്ങാനാണ് നിശ്ചയിച്ചിരുന്നതെങ്കിലും അത് 2011 വര്ഷത്തേക്ക് നീട്ടിവയ്ക്കുകയാണുണ്ടായത്. ഇതിന്റെ ഭാഗമായിട്ടാണ് വിന്ഫ്രേ ടോക് ഷോയില് നിന്നും പിന്മാറുന്നതെന്നാണ് സൂചന. ടെലിവിഷന് വ്യവസായ ചരിത്രത്തില് ഏറ്റവും കൂടുതല് ലാഭമുണ്ടാക്കിയ ഷോയെന്ന പേരും വിന്ഫ്രേയുടെ ടോക്ക് ഷോയ്ക്കാണ്.
145 രാജ്യങ്ങളിലാണ് ഇപ്പോള് ഈ പരിപാടി സംപ്രേഷണം ചെയ്യുന്നത്. ആഴ്ചതോറും മൂന്നുകോടി പ്രേക്ഷകരാണ് ഈ ഷോ കാണുന്നതെന്നാണ് കണക്ക് .
സാധാരണ ടോക് ഷോകളില് നിന്നും വ്യത്യസ്തമായി തുറന്ന സംഭാഷണത്തിനുള്ള വേദിയൊരുക്കുന്ന പരിപാടിയാണിത്. കഴിഞ്ഞ യുഎസ് തിരഞ്ഞെടുപ്പ് കാലത്ത് വിന്ഫ്രേ ഒബാമക്ക് അനുകൂലമായ നിലപാടെടുത്തത് തിരഞ്ഞെടുപ്പില് ശക്തമായ സ്വാധീനം ചെലുത്തിയിരുന്നു.