കുട്ടനാട് പാക്കേജ്: കേന്ദ്രവും കേരളവും ധാരണയില്‍

ദില്ലി: വിവാദത്തിലകപ്പെട്ട കുട്ടനാട് പാക്കേജ് നടപ്പാക്കുന്നതുമായി ബന്ധപ്പെട്ട് കേന്ദ്ര-സംസ്ഥാന സര്‍ക്കാരുകള്‍ തമ്മില്‍ ധാരണയായി. പാടശേഖരങ്ങളുടെ പുറംബണ്ട് നിര്‍മാണം കേന്ദ്ര ജലവിഭവ വകുപ്പിന്റെ കീഴില്‍ നടത്താമെന്ന് കേന്ദ്ര സര്‍ക്കാര്‍ സമ്മതിച്ചു.

കുട്ടനാട് പാക്കേജ് നടപ്പാക്കുന്നതിലെ തടസങ്ങള്‍ നീക്കണമെന്നാവശ്യപ്പെട്ട് സംസ്ഥാന കൃഷി മന്ത്രി മുല്ലക്കര രത്‌നാകരന്‍, ജലവിഭവ മന്ത്രി എന്‍കെ പ്രേമചന്ദ്രന്‍ എന്നിവര്‍ കേന്ദ്ര മന്ത്രിമാരുമായി നടത്തിയ ചര്‍ച്ചകളിലാണ് തീരുമാനം. കുട്ടനാട് പാക്കേജിന് പണം അനുവദിക്കുന്നതിനുള്ള മാനദണ്ഡങ്ങളില്‍ മാറ്റം വരുത്തണമെന്നും കേരളം നേരത്തെ ആവശ്യപ്പെട്ടിരുന്നു.