കാസര്‍കോട് നടന്നത് കൊലപാതകം: ഉമ്മന്‍ ചാണ്ടി

കാസര്‍കോട്: കാസര്‍കോട് നടന്നത് വെടിവെയ്പ്പല്ല, മറിച്ച് കൊലപാതകമാണെന്ന് ഉമ്മന്‍ ചാണ്ടി ആരോപിച്ചു. കാസര്‍കോട് മാധ്യമപ്രവര്‍ത്തകരോട് സംസാരിയ്ക്കുകയായിരുന്നു പ്രതിപക്ഷ നേതാവ്. സംഘര്‍ഷത്തിന്റെ പശ്ചാത്തലത്തില്‍ ജില്ലയില്‍ സന്ദര്‍ശനത്തിനെത്തിയതായിരുന്നു ഉമ്മന്‍ ചാണ്ടി.

സിപിഎമ്മും പൊലീസും ചേര്‍ന്നുള്ള അതിക്രമങ്ങളാണ് കാസര്‍കോട്ട് നടന്നത്. ഇവിടെയുണ്ടായത് വെടിവെപ്പല്ല, കൊലപാതകമാണ്. എസ് പിയെ മാറ്റാതെ സംഭവത്തെക്കുറിച്ച് അന്വേഷണം നടത്തുന്നത് യുഡിഎഫിനെ തൃപ്തിപ്പെടുത്തില്ലെന്നും പ്രതിപക്ഷ നേതാവ് വ്യക്തമാക്കി.

കാസര്‍കോട് സംഘര്‍ഷത്തിന്റെ പശ്ചാത്തലത്തില്‍ പ്രതിപക്ഷ നേതാവ് ഉമ്മന്‍ ചാണ്ടിയുടെ നേതൃത്വത്തിലുള്ള യുഡിഎഫ് സംഘം തിങ്കളാഴ്ച ജില്ലയിലെ വിവിധ പ്രദേശങ്ങള്‍ സന്ദര്‍ശിക്കുന്നുണ്ട്.