പാലക്കാട് വോട്ടുചോര്‍ച്ചയെപ്പെറ്റി അന്വേഷണം

പാലക്കാട്: ലോക്‌സഭാ തിരഞ്ഞെടുപ്പില്‍ പാലക്കാട് മണ്ഡലത്തിലുണ്ടായ വോട്ട് ചോര്‍ച്ചയെപ്പറ്റി അന്വേഷിയ്ക്കാന്‍ സിപിഎം ജില്ലാക്കമ്മിറ്റി തീരുമാനിച്ചു. എംബി രാജേഷ് എംപിയുടെ പരാതിയെ തുടര്‍ന്നാണ് നടപടി.

മുഖ്യമന്ത്രിയുടെ പ്രൈവറ്റ് സെക്രട്ടറി സുരേഷ്, കൃഷ്ണദാസ്, പിഎ ഗോകുല്‍ദാസ്, എന്നിവര്‍ ചേര്‍ന്ന് വോട്ട് മറിച്ചുവെന്നാണ് എംബി രാജേഷിന്റെ പരാതി. ഇത് മൂലം തന്റെ ഭൂരിപക്ഷത്തില്‍ വന്‍കുറവുണ്ടായെന്നും അദ്ദേഹത്തിന്റെ പരാതിയിലുണ്ട്.

ജില്ലാ സെക്രട്ടേറിയറ്റ് അംഗങ്ങളായ പി മാമിക്കുട്ടി, പികെ സുധാകരന്‍ എന്നിവരാണ് അന്വേഷണസംഘത്തിലുള്ളത്. സിപിഎമ്മിന്റെ ഉറച്ച കോട്ടകളിലൊന്നായ പാലക്കാട് മണ്ഡലത്തില്‍ നാലായിരത്തോളം വോട്ടിന്റെ ഭൂരിപക്ഷം മാത്രമാണ് എംബി രാജേഷിന് നേടാനായത്.