• search
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഇന്ത്യ ആഗോള ശക്തിയാവുന്നു: ഒബാമ

  • By Staff
വാഷിങ്ടണ്‍: ഇന്ത്യ ചുമതലാബോധമുള്ള ആഗോളശക്തിയായി മാറിക്കൊണ്ടിരിയ്ക്കുകയാണെന്ന് അമേരിക്കന്‍ പ്രസിഡന്റ് ബരാക് ഒബാമ. സിവില്‍ ആണവകരാര്‍ യാഥാര്‍ഥ്യമാക്കുന്നതില്‍ ഇരുരാജ്യങ്ങളും പ്രതിജ്ഞാബദ്ധമെന്നും ഒബാമയും മന്‍മോഹന്‍ സിങ്ങും സംയുക്ത വാര്‍ത്താ സമ്മേളനത്തില്‍ വ്യക്തമാക്കി. മന്‍മോഹന്റെ ക്ഷണം സ്വീകരിച്ച് താന്‍ അടുത്ത വര്‍ഷം ഇന്ത്യ സന്ദര്‍ശിയ്ക്കുമെന്ന് ഒബാമ അറിയിച്ചു. വൈറ്റ് ഹൗസിലെ ഔപചാരിക സ്വീകരണച്ചടങ്ങിനും കൂടിക്കാഴ്ചയ്ക്ക് ശേഷമായിരുന്നു വാര്‍ത്താ സമ്മേളനം. ഏഷ്യയുടെ നേതാവ് എന്ന നിലയില്‍ നിന്ന് ലോകത്തിന്റെ നേതാവ് എന്ന നിലയിലേക്ക് ഉയര്‍ന്ന് വരികയാണ് ഇന്ത്യയുടെ പ്രധാനമന്ത്രി മന്‍മോഹന്‍ സിങെന്ന് ഒബാമ പറഞ്ഞു. ആഗോള ഭീകരവാദത്തെ നേരിടുന്നതിനും ആരോഗ്യ, വിദ്യാഭ്യാസ മേഖലകളില്‍ യോജിച്ച് പ്രവര്‍ത്തിയ്ക്കുന്നതിനും കൂടിക്കാഴ്ചയില്‍ ധാരണയായി. ഈ നൂറ്റാണ്ടിലെ വെല്ലുവിളികള്‍ നേരിടാന്‍ ഇന്ത്യയ്ക്കും അമേരിക്കയ്ക്കും ഒട്ടേറെ മേഖലകളില്‍ സഹകരിച്ച് പ്രവര്‍ത്തിയ്ക്കാനാവുമെന്നും ഇരു രാഷ്ട്ര നേതാക്കന്‍മാരും പറഞ്ഞു. കൂടിക്കാഴ്ച ഒരു മണിക്കൂറിലേറെ നീണ്ടു. ഒബാമ അമേരിയ്ക്കന്‍ പ്രസിഡന്റായി അധികാരമേറ്റിട്ട് ആദ്യം വൈറ്റ് ഹൗസിലെത്തിയ രാഷ്ട്രത്തലവനായ മന്‍മോഹന്‍ സിങിന് ഔപചാരിക വരവേല്‍പ്പ് നല്‍കി.

ഭീകരതയ്‌ക്കെതിരെ രണ്ട് രാജ്യങ്ങളും ഒന്നിച്ച് നിന്ന് പോരാടുമെന്ന് ഇരു രാഷ്ട്ര നേതാക്കളും വ്യക്തമാക്കി. രഹസ്യാന്വേഷണ ഏജന്‍സികള്‍ ഒരുമിച്ച് പ്രവര്‍ത്തിയ്ക്കും.
വാര്‍ത്താ സമ്മേളനത്തില്‍ ഇന്ത്യയെ പരസ്യമായി ഒബാമ ആണവശക്തി എന്നു വിശേഷിപ്പിച്ചതും ശ്രദ്ധേയമായി. ഇന്ത്യയെ ആണവശക്തിയായി അംഗീകരിച്ചു കൊണ്ട് അമേരിക്കന്‍ പക്ഷത്തു നിന്നുള്ള ആദ്യ പരാമര്‍ശമാണിത്.

വിവിധ മേഖലകളില്‍ ഇന്ത്യയ്ക്കും അമേരിയ്ക്കയ്ക്കും ഒന്നിച്ച് നില്‍ക്കാനാവും. ചൈനാ സന്ദര്‍ശന വേളയില്‍ ഏഷ്യയിലെ നേതാവ് എന്നു ചൈനയെ ഒബാമ വിശേഷിപ്പിച്ചത് ഇന്ത്യയെ അലോസരപ്പെടുത്തിയിരുന്നു. ആ പശ്ചാത്തലത്തിലാണ് ഇന്ത്യയെയും മന്‍മോഹന്‍ സിങ്ങിനെയും കുറിച്ചുള്ള പുതിയ പരാമര്‍ശം. വൈറ്റ് ഹൗസിലെത്തിയ മന്‍മോഹന്‍ സിങ്ങിനെ ഒബാമ ആഘോഷത്തോടെയാണു വരവേറ്റത്. പ്രധാനമന്ത്രിയുടെ ഭാര്യ ഗുര്‍ശരണ്‍ കൗറിനെ മിഷേല്‍ ഒബാമയും സ്വീകരിച്ചു.

അറുപത് വര്‍ഷം മുമ്പ് ജവാഹര്‍ലാല്‍ നെഹ്‌റു വൈറ്റ് ഹൗസ് സന്ദര്‍ശിച്ചത് ഒബാമ അനുസ്മരിച്ചു. അന്നു യുഎസ് പ്രസിഡന്റ് ട്രൂമാന്‍ പറഞ്ഞതും ഇതു തന്നെയായിരുന്നു. നെഹ്‌റു ലോകനേതാവായി ഉയരുകയാണെന്ന്. ദാരിദ്ര്യമില്ലാത്ത ലോകത്തിനു വേണ്ടി പ്രവര്‍ത്തിക്കാന്‍ ഇരുരാജ്യങ്ങളും പ്രതിജ്ഞാബദ്ധമാണെന്ന് മന്‍മോഹന്‍ പറഞ്ഞു. ഇന്ത്യയും യുഎസും പരസ്പര ക്ഷേമത്തിനും ലോകക്ഷേമത്തിനും വേണ്ടി നിലകൊള്ളുകയാണ്. ഭീകരതയ്‌ക്കെതിരായ പോരാട്ടത്തിലും പരിസ്ഥിതിയെ ശുദ്ധീകരിയ്ക്കാനുള്ള ശ്രമങ്ങളിലും സാമ്പത്തിക സുരക്ഷയ്ക്കായുള്ള ശ്രമങ്ങളിലും ഇരു രാജ്യങ്ങള്‍ക്കും സഹകരിയ്ക്കാനാവുമെന്നും മന്‍മോഹന്‍ ചൂണ്ടിക്കാട്ടി.

കൂടുതൽ ഇന്ത്യ വാർത്തകൾView All

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more