ലാവലിന്: ഹര്ജി ജനുവരിയില് പരിഗണിക്കും
ഹര്ജിയ്ക്ക് എതിര്സത്യവാങ്മൂലം സമര്പ്പിക്കാന് സംസ്ഥാന സര്ക്കാരിനും സിബിഐയ്ക്കും സുപ്രീംകോടതി ബുധനാഴ്ച നിര്ദ്ദേശം നല്കി. വിശദ വിവരങ്ങള് അടങ്ങിയ സത്യവാങ്മൂലം നാലാഴ്ചയ്ക്കകം സമര്പ്പിക്കാനാണ് സുപ്രീംകോടതി രജിസ്ട്രാര് നിര്ദ്ദേശം നല്കിയിരിക്കുന്നത്.
എതിര്സത്യവാങ്മൂലം ലഭിച്ചാലുടന് കേസ് ഓപ്പണ് കോടതിയിലേയ്ക്ക് മാറ്റാനും രജിസ്ട്രാര് കോടതി നിര്ദ്ദേശിച്ചിട്ടുണ്ട്. അങ്ങനെയാണെങ്കില് ജനുവരി ആദ്യ ആഴ്ചയിലോ രണ്ടാമത്തെ ആഴ്ചയിലോ കേസ് ലിസ്റ്റ് ചെയ്യാനാണ് സാധ്യത.
കേസില് കക്ഷി ചേരാന് അപേക്ഷ നല്കിയ തലശ്ശേരിയിലെ പീപ്പിള്സ് റൈറ്റ്സ് ഫോര് സിവില് ലിബര്ട്ടീസ്, ക്രൈം നന്ദകുമാര് എന്നിവര്ക്കും സുപ്രീം കോടതി നോട്ടീസ് അയച്ചിരുന്നുവെങ്കിലും ഇവരാരും ഹര്ജിയ്ക്കുള്ള മറുപടി രേഖാമൂലം സമര്പ്പിച്ചിട്ടില്ല. ഈ പശ്ചാത്തലത്തിലാണ് കോടതി രജിസ്ട്രി ഹര്ജിയ്ക്ക് മറുപടി നല്കാന് ഒരു മാസത്തെ സമയം അനുവദിച്ചിരിയ്ക്കുന്നത്.
Click it and Unblock the Notifications
Sign in with Google