കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പ്രസംഗത്തിനിടെ പിണറായിക്ക് ദേഹാസ്വസ്ഥ്യം

  • By Staff
Google Oneindia Malayalam News

Pinarayi Vijayan
കൊല്ലം: പ്രസംഗത്തിനിടെ സിപിഎം സംസ്ഥാന സെക്രട്ടറി പിണറായി വിജയന് ദേഹാസ്വസ്ഥ്യം. ബുധനാഴ്ച വൈകിട്ട് മൂന്നരയോടെയാണ് സോപാനം ഓഡിറ്റോറിയത്തില്‍ ദേശാഭിമാനിയുടെ ജില്ലാതല പ്രചാരണ പരിപാടി ഉദ്ഘാടനം ചെയ്യുന്നതിനിടെ അദ്ദേത്തിന് ദേഹാസ്വസ്ഥ്യം അനുഭവപ്പെട്ടത്.

പ്രസംഗിച്ചു കൊണ്ടിരിയ്ക്കുന്നതിനിടെ പെട്ടെന്ന് നിശബ്ദനായ അദ്ദേഹം അടുത്തിരുന്ന മുന്‍ എംപി പി രാജേന്ദ്രനോട് കസേര നീക്കിയിടാന്‍ ആവശ്യപ്പെട്ടു. പ്രസംഗപീഠത്തിന് പിറകിലായി കസേരയില്‍ ഇരുന്ന അദ്ദേഹത്തിന് ഒന്നും സംസാരിയ്ക്കാനായില്ല. കൈ ഉയര്‍ത്താനും ബുദ്ധിമുട്ടുണ്ടായിരുന്നു.

അടുത്തു നിന്നവരോടു പോക്കറ്റില്‍ ഗുളികയുണ്ടെന്നു പറഞ്ഞു. രാജേന്ദ്രന്‍ എടുത്തുകൊടുത്ത ഗുളിക കഴിച്ചപ്പോഴേക്ക് അസ്വാസ്ഥ്യം കൂടി. തലയില്‍ കൈവച്ചുകൊണ്ട്് ബക്കറ്റ് ഉണ്ടോയെന്നു ചോദിച്ചു. ബക്കറ്റ് കൊണ്ടുവന്നപ്പോഴേക്ക് ഛര്‍ദിക്കുകയായിരുന്നു. കുറച്ച് വിശ്രമിച്ചപ്പോള്‍ പ്രസംഗം തുടരാമെന്നായി. തുടര്‍ന്ന് ഇരുന്നാണ് പിണറായി പ്രസംഗിച്ചത്. പത്ത് മിനിറ്റിനുള്ളില്‍ പ്രസംഗം അവസാനിപ്പിച്ച പിണറായി വേദിയില്‍ തന്നെ ഇരുന്നു.

തുടര്‍ന്ന് കുളത്തൂപ്പുഴയില്‍ നിശ്ചയിച്ചിരുന്ന പരിപാടി റദ്ദാക്കി തിരുവനന്തപുരത്തേക്ക് മടങ്ങി. ഡോക്ടറുടെ നിര്‍ദ്ദേശപ്രകാരം തിരുവനന്തപുരത്തിന് പുറത്തുള്ള അദ്ദേഹത്തിന്റെ ഒരാഴ്ചത്തെ പരിപാടികള്‍ പുനക്രമീകരിച്ചിട്ടുണ്ട്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X