ദുബയിലെ പ്രശ്‌നം ഇന്ത്യക്കാരെ ബാധിക്കില്ല: രവി

ദില്ലി: ദുബയ് വേള്‍ഡിലെ സാമ്പത്തിക പ്രതിസന്ധി ഇന്ത്യക്കാരെ ബാധിക്കില്ലെന്ന് പ്രവാസി കാര്യമന്ത്രി വയലാര്‍ രവി.

നേരത്തെ കുറച്ച് തൊഴില്‍ നഷ്ടം ഉണ്ടാക്കിയിരുന്നു. എന്നാല്‍ ഇപ്പോള്‍ സ്ഥിതി മെച്ചപ്പെട്ടിട്ടുണ്ടെന്നും അദ്ദേഹം പറഞ്ഞു.

ദുബയ് സര്‍ക്കാറുമായി ഇതുസംബന്ധിച്ച് ചര്‍ച്ച നടത്തിയിരുന്നു. തുടക്കത്തില്‍ കുറേ ഇന്ത്യക്കാര്‍ തൊഴില്‍ പ്രതിസന്ധിമൂലം നാട്ടിലേക്ക് മടങ്ങിയിരുന്നു. ഈ പ്രശ്‌നം ഇപ്പോള്‍ പരിഹരിക്കപ്പെട്ടുവരുന്നുണ്ട്. ഇക്കാര്യത്തില്‍ ആര്‍ക്കും ആശങ്ക വേണ്ട- രവി പറഞ്ഞു.

എന്നാല്‍ കേരളത്തിന്റെ സമ്പദ് രംഗത്തെ ദുബയിലെ പ്രതിസന്ധി കാര്യമായിത്തന്നെ ബാധിക്കുമെന്നാണ് പുതിയ വിവരം. ഇക്കാര്യം ധനമന്ത്രി തോമസ് ഐസ്‌ക് വെള്ളിയാഴ്ച വ്യക്തമാക്കിയിരുന്നു.

ആഗോള സാമ്പത്തിക മാന്ദ്യത്തിന്റെ പ്രശ്ചാത്തലത്തിലുണ്ടായ തിരിച്ചടിക്കു പിന്നാലെയാണ് ദുബയ് വേള്‍ഡ് പ്രതിസന്ധിയിലായിരിക്കുന്നത്.

ദുബയ് സര്‍ക്കാറിന്റെ ഉടമസ്ഥതയിലുള്ള ദുബയ് വേള്‍ഡ് പ്രതിസന്ധിയിലായതിനെത്ുടര്‍ന്ന് 5900 കോടി രൂപയുടെ കടബാധ്യത അടച്ചു തീര്‍ക്കുന്നതിന് 2010മെയ് വരെ സമയം നീട്ടിക്കൊടുത്തിട്ടുണ്ട്.

ഇതിനിനിടെ ദുബയ് വേള്‍ഡിന് സഹായം വാഗ്ധാനം നല്‍കിക്കൊണ്ട് അബുദബി സര്‍ക്കാരും രംഗത്തെത്തിയിട്ടുണ്ട്.