കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അയോധ്യ: വാജ്‌പേയിക്കും പങ്കെന്ന് സിംഗാള്‍

  • By Staff
Google Oneindia Malayalam News

മുംബൈ: ബാബറി മസ്ജിദ് പൊളിച്ചതിലേയ്ക്ക് നയിച്ച രാംജന്മഭൂമി പ്രക്ഷോഭത്തില്‍ മുതിര്‍ന്ന ബിജെപി നേതാവായ എബി വാജ്‌പേയിക്കും പങ്കുണ്ടെന്ന് വിഎച്ച്പി നേതാവ് അശോക് സിംഗാള്‍.

bjp

പള്ളി തകര്‍ത്തത് അന്വേഷിച്ച ലിബര്‍ഹാന്‍ കമ്മീഷന്‍ വാജ്‌പേയിയുടെ മതേതര പ്രതിച്ഛായ കാപട്യമാണെന്ന് റിപ്പോര്‍ട്ടില്‍ വ്യക്തമാക്കിയിരുന്നു. ഇതിനെ കഴിയും വിധമെല്ലാം പ്രതിരോധിക്കാന്‍ ബിജെപി ശ്രമിക്കുന്നതിനിടെയാണ് സിംഗാളിന്റെ വെളിപ്പെടുത്തല്‍.

പ്രക്ഷോഭത്തില്‍ പങ്കെടുത്തതിന് വാജ്‌പേയി ലഖ്‌നൊവില്‍ വച്ച് അറസ്റ്റുചെയ്യപ്പെട്ടിരുന്നുവെന്നും സിംഗാള്‍ പറയുന്നു. ലിബര്‍ഹാന്‍ കമ്മീഷന്റെ റിപ്പോര്‍ട്ടിനോട് പ്രതികരിക്കവെയാണ് വെള്ളിയാഴ്ച അദ്ദേഹം ഇക്കാര്യങ്ങള്‍ പറഞ്ഞത്.

പള്ളി തകര്‍ക്കപ്പെട്ട ദിനം ജീവിതത്തിലെ ഏറ്റവും ദുഖകരമായ ദിനമാണെന്ന് അദ്വാനി പറഞ്ഞതിനെക്കുറിച്ചുള്ള ചോദ്യത്തിന് അങ്ങനെ പറയരുതെന്ന് അദ്വാനിയെ ഉപദേശിച്ചതായി അദ്ദേഹം പറഞ്ഞു.

പള്ളി തകര്‍ക്കാനുള്ള നീക്കം വിശുദ്ധരുടെ പ്രക്ഷോഭമായിരുന്നു, എന്നാല്‍ അതിനെ രാഷ്ട്രീയവല്‍ക്കരിക്കുകയായിരുന്നു. ഇതു തികച്ചും തെറ്റാണ്. മുസ്ലീംങ്ങള്‍ക്കും ഹിന്ദുക്കള്‍ക്കും ഇടയില്‍ സുസ്ഥിര ബന്ധമാണ് ആഗ്രഹിക്കുന്നത്.

എന്നാല്‍ അയോധ്യയിലെ രാമജന്മഭൂമി, മധുരയിലെ കൃഷ്ണജന്മഭൂമി, കാശിവിശ്വനാഥ് എന്നീ സ്ഥലങ്ങളിലെ അവകാശം മുസ്ലീംങ്ങള്‍ ഉപേക്ഷിക്കുകയും നിയമം മൂലം ഹിന്ദുക്കളുടെ അവകാശങ്ങള്‍ ഉറപ്പാക്കുകയും ചെയ്താലേ ഹിന്ദു മുസ്ലീ ം ഐക്യം സാധ്യമാകൂ- സിംഗാള്‍ പറഞ്ഞു.

English summary
india-vajpayee-involved-babri-issue-vhp
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X