നൂല്‍ബന്ധമില്ലാതെ പത്മാ ലക്ഷ്മി

ന്യൂയോര്‍ക്ക്: "നഗ്നത അത്ര മോശമായ കാര്യമൊന്നുമല്ല, നഗ്നയായിരിക്കുന്നത് എനിയ്ക്ക് കൂടുതല്‍ ഇഷ്ടമാണ്. വസ്ത്രങ്ങള്‍ ധരിയ്ക്കുമ്പോള്‍ നിങ്ങള്‍ മറ്റൊരു വ്യക്തിത്വം എടുത്തണിയുകയാണ്. വസ്ത്രങ്ങള്‍ വിശേഷണങ്ങളും സൂചകങ്ങളുമാണ്. വസ്ത്രങ്ങളില്ലാത്തപ്പോള്‍ നിങ്ങള്‍ പച്ചയാണ്. നിങ്ങള്‍ക്ക് ഒന്നും ഒളിച്ചുവെയ്ക്കാനില്ല" - കുറച്ച് നാള്‍ മുമ്പ് ന്യൂയോര്‍ക്ക് പോസ്റ്റിന് നല്‍കിയ അഭിമുഖത്തിലാണ് പ്രശസ്ത സാഹിത്യകാരന്‍ സല്‍മാന്‍ റുഷ്ദിയുടെ മുന്‍ ഭാര്യ പത്മാ ലക്ഷ്മി നഗ്നതയെപ്പറ്റി വാചാലയായത്.

ഇങ്ങനെയൊക്കെ പറഞ്ഞെങ്കിലും അതൊന്നും ഇത്രപെട്ടെന്ന് പത്മ പ്രാവര്‍ത്തികമാക്കുമെന്ന് ആരും കരുതിയിരിക്കില്ല. ടെലിവിഷന്‍ അവതാരക കൂടിയായ പത്മ പേജ് സിക്‌സ് എന്ന മാഗസിന് വേണ്ടിയാണ് തന്റെ നഗ്നത ക്യാമറകണ്ണുകള്‍ക്ക് മുമ്പില്‍ അനാവൃതമാക്കിയത്. ആറു മാസം ഗര്‍ഭിണിയായിരിക്കുമ്പോള്‍ കൂടിയാണ് പത്മയുടെ ഈ സാഹസികകൃത്യം.

കഴിഞ്ഞ ഒക്ടോബറിലാണ് പത്മാ ലക്ഷ്മി താന്‍ ഗര്‍ഭിണിയാണെന്ന കാര്യം പുറത്തുവിട്ടത്. 2004 ഏപ്രിലിലാണ് പദ്മ ലക്ഷ്മി സല്‍മാന്‍ റുഷ്ദിയെ വിവാഹം ചെയ്തത്. 2007 ജൂലൈയില്‍ വിവാഹമോചിതയാവുകയും ചെയ്തു. ഇതിന് ശേഷം മറ്റു പലരുമായി ചേര്‍ത്ത് പത്മയുടെ പേര് ഗോസിപ്പ് കോളങ്ങളില്‍ നിറഞ്ഞെങ്കിലും കുഞ്ഞിന്റെ പിതാവാരാണെന്ന കാര്യം പത്മ രഹസ്യമാക്കി വെച്ചിരിയ്ക്കുകയാണ്.

ചൂടന്‍ ചിത്രങ്ങള്‍ക്കൊപ്പം സല്‍മാന്‍ റുഷ്ദിയുമായുള്ള വിവാഹ മോചനത്തെപ്പറ്റിയും ഗര്‍ഭകാല വിശേഷങ്ങളും സ്വകാര്യ ജീവിതത്തിലെ ചില സംഭവങ്ങളും പേജ് സിക്‌സിന്റെ പുതിയ ലക്കത്തില്‍ പത്മ വിശദീകരിയ്ക്കുന്നുണ്ട്. വ്യാഴാഴ്ച മുതല്‍ മാഗസിന്‍ വിപണിയില്‍ ലഭ്യമാവും.