തെലുങ്കാന: പ്രജാരാജ്യത്തില് ഭിന്നിപ്പ്
പാര്ട്ടി ഏതാണ്ട് പിളര്പ്പിന്റെ വക്കിലെത്തി നില്ക്കുകയാണെന്ന് റിപ്പോര്ട്ടുകള് സൂചിപ്പിക്കുന്നു. തെലുങ്കാന രൂപീകരണവുമായി ബന്ധപ്പെട്ട് പാര്ട്ടിയില് രൂക്ഷമായ അഭിപ്രായഭിന്നതകള് നിലനില്ക്കുകയാണ്.
പ്രത്യേക തെലുങ്കാന സംസ്ഥാനം എന്ന മുന് നിലപാടില് നിന്നും പിന്നാക്കം പോയ ചിരഞ്ജീവിയുടെ നടപടിയില് പ്രതിഷേധിച്ച് തെലുങ്കാന മേഖലയില് നിന്നുള്ള പാര്ട്ടി നേതാക്കള് കലാപമുയര്ത്തിയിരിക്കുകയാണ്.
ചൊവ്വാഴ്ച രാത്രി പ്രശ്നപരിഹാരത്തിനായി ചിരഞ്ജീവി എംഎല്എമാരുമായി ചര്ച്ചകള് നടത്തിയിരുന്നു. ഈ യോഗത്തില് ആന്ധ്ര വിഭജനത്തെ എതിര്ക്കാനുള്ള തീരുമാനം ചിരഞ്ജീവി അറിയിച്ചുവെന്നാണ് സൂചന.
ചിരഞ്ജീവിയുടെ തീരുമാനത്തില് പ്രതിഷേധിച്ച് തെലുങ്കാന മേഖലയിലെ മൂന്നു ജില്ലാ പ്രസിഡന്റുമാര് രാജി പ്രഖ്യാപിച്ചു കഴിഞ്ഞു. മഹേശ്വര് റെഡ്ഡി ഉള്പ്പെടെ ര്ണ്ട് എംഎല്എമാരും രാജിഭീഷണി മുഴക്കിയിട്ടുണ്ട്.