മാറിടം പ്രദര്‍ശിപ്പിച്ച 18കാരി കുടുങ്ങി

വെല്ലിങ്ടണ്‍: റോഡിന് നടുവില്‍ നിന്നുകൊണ്ട് മാറിടം പ്രദര്‍ശിപ്പിച്ച യുവതിയെ കാറിടിച്ചു. ചെറില്ലി മെയ് ഡ്യൂഡ്ഫീല്‍ഡ് എന്ന പതിനെട്ടുകാരിയാണ് റോഡില്‍ നിന്ന് മാറിടം പ്രദര്‍ശിപ്പിച്ച് അപകടം ക്ഷണിച്ച ്‌വരുത്തിയത്.

ഡ്രൈവര്‍മാരെ ഞെട്ടിച്ചുകളയാമെന്ന മോഹവുമായിട്ടാണ് ചെറില്ലി നടുറോഡില്‍ നിന്നുകൊണ്ട് ടീ ഷേര്‍ട്ട് പൊക്കിക്കാണിച്ചത്. ഇവര്‍ റോഡില്‍വച്ച് ഇങ്ങനെ ചെയ്തതായി പൊലീസ് വെളിപ്പെടുത്തിയിട്ടുണ്ട്.

ഇന്‍വര്‍കാര്‍ഗിലിലെ ഒരു നാലുവരിപ്പാതയുടെ നടക്കുള്ള ട്രാഫിക് ഐലന്റിനരികില്‍ നിന്നുകൊണ്ടായിരുന്നു ചെറില്ലിയുടെ അഭ്യാസം.

ചെറില്ലിയുടെ പ്രവൃത്തികണ്ട് ഡ്രൈവര്‍മാരും യാത്രക്കാരുമെല്ലാം അന്തംവിട്ടുകൊണ്ട് കടന്നുപോയി. എന്നാല്‍ ഇവര്‍ക്കെല്ലാം പിന്നാലെ വന്ന ഒരു മധ്യവയസ്‌കനായ ഡ്രൈവര്‍ക്ക് ചെറില്ലിയുടെ പ്രവൃത്തികണ്ട് നിയന്ത്രണം വിട്ടു.

വാഹനം തന്റെ നേര്‍ക്ക് പാഞ്ഞടുക്കുന്നത് കണ്ട് ചെറില്ലി ഓടി രക്ഷപ്പെടാന്‍ ശ്രമിച്ചെങ്കിലും സാധിച്ചില്ല. അവരെ ഇടിച്ച് തെറിപ്പിച്ചശേഷമാണ് വണ്ടി നിന്നത്.

പിന്നീട് ചെറില്ലിയെ ആശുപത്രയില്‍ പ്രവേശിപ്പിച്ചു. ഒരുമാസത്തെ ചികിത്സയ്ക്കുശേഷം കഴിഞ്ഞ ദിവസമാണ് ചെറില്ലിയെ കോടതിയില്‍ ഹാജരാക്കിയത്.

കോടതിയിലെത്തിയ ചെറില്ലി പൊട്ടിക്കരഞ്ഞുകൊണ്ട് മദ്യലഹരിയിലാണ് തെറ്റു ചെയ്തതെന്ന് സമ്മതിച്ച് മാപ്പപേക്ഷിച്ചു. എന്നാല്‍ ചെറില്ലിയുടെ വിശദീകരണം തള്ളിയ കോടതി അവര്‍ക്ക് 198 ഡോളര്‍ പിഴയിട്ടു.