കസബിനെ തൂക്കിലിടാന്‍ ധൃതി കൂട്ടേണ്ട: തരൂര്‍

ദില്ലി: മുംബൈ ഭീകരാക്രമണത്തിലെ മുഖ്യപ്രതി അജ്മല്‍ അമീര്‍ കസബിന്റെ വധശിക്ഷയുടെ കാര്യത്തില്‍ ഇത്ര ധൃതി പിടിക്കേണ്ട കാര്യമില്ലെന്ന് കേന്ദ്രവിദേശകാര്യ സഹമന്ത്രി ശശി തരൂര്‍. ജനാധിപത്യപരമായും നിയമപരമായും നടക്കേണ്ട നടപടിക്രമങ്ങളും വിചാരണയുമാണ് ഇപ്പോള്‍ നടക്കുന്നത്. കോടതിയാണ് ശിക്ഷയും മറ്റുകാര്യങ്ങളും തീരുമാനിക്കേണ്ടതെന്നും അദ്ദേഹം വ്യക്തമാക്കി.

ഒരു തീവ്രവാദിയെ ജീവനോടെ പിടികൂടാന്‍ നമുക്ക് കഴിഞ്ഞിട്ടുണ്ട്. നിര്‍ണായക വിവരങ്ങള്‍ ഏറെ ലഭിയ്ക്കാന്‍ സാധ്യതയുള്ള വ്യക്തിയാണ് കസബ്. മറ്റുള്ളവര്‍ക്കുള്ള മുന്നറിയപ്പെന്ന വണ്ണം കസബിനെ തൂക്കിലിടാന്‍ ധൃതി കൂട്ടേണ്ട കാര്യമില്ല.

അങ്ങനെയൊരു നടപടി കൊണ്ട മാത്രം പ്രശ്‌നങ്ങള്‍ അവസാനിക്കുന്നില്ല. തീവ്രവാദത്തെ രാജ്യം അതിജീവിച്ചുകൊണ്ടിരിക്കുകയാണെന്നും ശശി തരൂര്‍ ദില്ലിയില്‍ മാധ്യമപ്രവര്‍ത്തകരോട് പറഞ്ഞു.