അയോധ്യ: റാവുവിനും മാപ്പില്ലെന്ന് മുസ്ലീം ലോബോര്ഡ്
ലഖ്നൊ: അയോധ്യയിലെ ബാബറി പള്ളി പൊളിച്ചതില് കോണ്ഗ്രസിനും അന്തരിച്ച മുന് പ്രധാനമന്ത്രി നരസിംഹ റാവുവിനും ഒരിക്കലും മാപ്പുകൊടുക്കില്ലെന്ന് അഖിലേന്ത്യാ മുസ്ലീം ലോബോര്ഡ് വ്യക്തമാക്കി.
പള്ളി പൊളിച്ചതില് റാവുവിനും തുല്യ പങ്കുണ്ട്. അദ്ദേഹത്തിനൊരിക്കലും ക്ലീന്ചിറ്റ് നല്കാന് ഐവില്ല- ലോ ബോര്ഡ് വക്താവും അസിസ്റ്റന്റ് ജനറല് സെക്രട്ടറിയുമായ മൗലാന അബ്ദുള് റഹിം ഖുറേഷി പറഞ്ഞു.
ബാബറി പള്ളി പൊളിച്ചതില് കോണ്ഗ്രസിന് എങ്ങനെയാണ് മാപ്പ് കൊടുക്കാന് കഴിയുക. പള്ളിപൊളിച്ചതില് റാവുവിനും പങ്കാളിത്തമുണ്ട്.
ജസ്റ്റിസ് ലിബര്ഹാന് റിപ്പോര്ട്ടില് പോലും റാവുവിനെ കുറ്റവിമുക്തനാക്കിയിട്ടില്ല. മുന്പ്രധാനമന്ത്രി അടല് ബിഹാരി വാജ്പേയിക്ക് സംഭവത്തില് പങ്കുണ്ടെന്ന് ലിബര്ഹാന് കമ്മീഷന് കണ്ടെത്തിയിട്ടുണ്ട്.
പക്ഷേ സാങ്കേതികമായി ഒരു നിയമനടപടിയും അദ്ദേഹത്തിന് നേരിടേണ്ടിവരുകയില്ല. വാജേപിയിയ്ക്കും പള്ളി പൊളിച്ചതില് തുല്യ പങ്കാളിത്തമുണ്ട്. അദ്ദേഹത്തിന്റെ കാര്യത്തില് കമ്മീഷന് നിയമനടപടികള് ഒഴിവാക്കുകയാണ് ചെയ്തത്- ഖുറേഷി കുറ്റപ്പെടുത്തി.