ഒന്നു മുതല് പിഡിപിക്കാന് സമരം നടത്തും
എന്നാല് മദനിക്കെതിരായ രേഖകള് പുറത്തുകൊണ്ടുവരണമെന്ന് ആവശ്യപ്പെട്ട് പി.ഡി.പി പ്രവര്ത്തകര് ജനുവരി ഒന്നു മുതല് പതിനഞ്ചുവരെ സെക്രട്ടേറിയറ്റിനു മുന്നില് നിരാഹാര സമരം നടത്തും.
ഇല്ലാത്ത വാര്ത്ത പ്രസിദ്ധീകരിച്ച മാധ്യമങ്ങള്ക്കെതിരെ നിയമനടപടി സ്വീകരിക്കും. പച്ചക്കള്ളം പ്രചിപ്പിച്ച മാധ്യമങ്ങള്ക്കെതിരെ പ്രസ് കൗണ്സിലിന് പരാതി നല്കും. എനിക്കും സൂഫിയ്ക്കുമെതിരെ തെറ്റായ പ്രചാരണം നടത്തുന്നതിനാലാണിത്- മദനി അറിയിച്ചു.
വെള്ളിയാഴ്ച ബീമാപ്പള്ളിയില് ജുമാ നമസ്ക്കാരത്തിന് ശേഷമായിരിക്കും നിരാഹാരം തുടങ്ങുകയെന്ന് മദനി കഴിഞ്ഞ ദിവസം നടത്തിയ വാര്ത്താസമ്മേളനത്തില് അറിയിച്ചിരുന്നു. താനും മക്കളും അനിശ്ചിതകാല നിരാഹരസമരം നടത്തുമെന്നായിരുന്നു പ്രഖ്യാപനം.
എന്നാല് തീവ്രവാദി ബന്ധം ചുമത്തി അറസ്റ്റ് ചെയ്ത ഒരാളെ നിരാഹാരസമരം നടത്തി പുറത്തിറക്കാന് ശ്രമിക്കുന്ന മദനിയുടെ നടപടി നിയമവ്യവസ്ഥയെ വെല്ലുവിളിക്കലാണെന്നും നിയമ ലംഘനാണെന്നുമെല്ലാം വ്യാഖ്യാനങ്ങളുണ്ടായിരുന്നു. മദനിയുടെ നീക്കം ഇടതുസര്ക്കാറിനെ വെട്ടിലാക്കുമെന്നും പരക്കെ കരുതപ്പെട്ടിരുന്നു.