കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ബിജെപി തുണച്ചു: സോറന്‍ മുഖ്യമന്ത്രിയാകും

  • By Staff
Google Oneindia Malayalam News

Shibu Soren
റാഞ്ചി: ജാര്‍ഖണ്ഡില്‍ ജെഎംഎം അധ്യക്ഷന്‍ ഷിബു സോറന്‍ സര്‍ക്കാരുണ്ടാക്കാന്‍ അവകാശമുന്നയിച്ചു.

ബിജെപിയുടെയും ഓള്‍ ജാര്‍ഖണ്ഡ്‌ സ്റ്റുഡന്റ്‌സ്‌ യൂണിയന്റെയും (എജെഎസ്‌യു) പിന്തുണയോടെയാണ് സോറന്‍ സര്‍ക്കാര്‍ രൂപീകരിക്കുന്നത്‌.

81 അംഗ നിയമസഭയില്‍ തന്നെ പിന്തുണയ്‌ക്കുന്ന 42 എംഎല്‍എമാരുടെ പട്ടിക, സോറന്‍ ഗവര്‍ണര്‍ കെ. ശങ്കരനാരായണനു സമര്‍പ്പിച്ചു.

ജെഎംഎം. (18), ബിജെപി (18), എജെഎസ്‌യു (അഞ്ച്‌) എന്നിങ്ങനെയാണ്‌ പുതിയ സഖ്യത്തിന്റെ കക്ഷിനില. ബന്ധു ടിര്‍കിയുടെ നേതൃത്വത്തിലുള്ള ജാര്‍ഖണ്ഡ്‌ ജനാധികാര്‍ മഞ്ചിന്റെ ഏക എംഎല്‍എയും ഈ സഖ്യത്തെ പിന്തണയ്‌ക്കുമെന്ന്‌ മുന്‍മുഖ്യമന്ത്രിയും ബിജെപി നേതാവുമായ അര്‍ജുന്‍ മുണ്ടെ പറഞ്ഞു.

തിരഞ്ഞെടുപ്പില്‍ ബിജെപിയുമായി സഖ്യമുണ്ടാക്കി മത്സരിച്ച ജനതാദള്‍-യു.വിന്‌ രണ്ടു എംഎല്‍എമാരുണ്ട്‌. എന്നാല്‍ പുതിയ സര്‍ക്കാരിനു പിന്തുണ നല്‌കുന്ന കാര്യത്തില്‍ അവര്‍ അന്തിമ തീരുമാനമെടുത്തിട്ടില്ല.

നേരത്തേ രണ്ടു തവണ ജാര്‍ഖണ്ഡില്‍ മുഖ്യമന്ത്രിപദത്തിലിരുന്ന ഷിബുസോറന്‍ ബിജെപി നേതാവ്‌ രഘുവര്‍ദാസ്‌, എജെഎസ്‌യു സഭാകക്ഷി നേതാവ്‌ സുദേശ്‌ മഹാതോ എന്നിവര്‍ക്കൊപ്പമാണ്‌ ഗവര്‍ണറെ കണ്ടത്‌.

നേരത്തേ ബിജെപി മുന്‍ അധ്യക്ഷന്‍ രാജ്‌നാഥ്‌സിങ്ങും സോറനും തമ്മില്‍ നടത്തിയ ചര്‍ച്ചയിലാണ്‌ സര്‍ക്കാരുണ്ടാക്കാന്‍ ധാരണയായത്‌.

സോറന്‍ സര്‍ക്കാരില്‍ പങ്കാളിയാകണമോയെന്ന കാര്യം തീരുമാനിച്ചിട്ടില്ലെന്ന്‌ ബിജെപി ഉപാധ്യക്ഷ കരുണ ശുക്ല പറഞ്ഞു. പാര്‍ട്ടി സംസ്ഥാനാധ്യക്ഷന്‍ രഘുവര്‍ദാസിനെ നിയമസഭാനേതാവായി തിരഞ്ഞെടുത്തിട്ടുണ്ട്‌.

കോണ്‍ഗ്രസ്‌ (14)- ജാര്‍ഖണ്ഡ്‌ വികാസ്‌മോര്‍ച്ച പി. (11) സഖ്യമാണ്‌ തിരഞ്ഞെടുപ്പില്‍ മുന്നിലെത്തിയത്‌. എന്നാല്‍ നിര്‍ണായകശക്തിയായ ജെഎംഎമ്മിന്റെ പിന്തുണ ഉറപ്പാക്കാന്‍ കഴിയാതെപോയത്‌ അവര്‍ക്കു തിരിച്ചടിയായി. മുഖ്യമന്ത്രിസ്ഥാനം വേണമെന്ന്‌ ഷിബു സോറന്‍ നിര്‍ബന്ധം പിടിച്ചതോടെയാണ്‌ ചര്‍ച്ച വഴിമുട്ടിയത്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X