കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കോണ്ടത്തിനെതിരെ ലൈംഗികത്തൊഴിലാളികള്‍

  • By Staff
Google Oneindia Malayalam News

Condom
ദില്ലി: എച്ച്‌ഐവി ബാധ തടയാനായി കേന്ദ്രസര്‍ക്കാര്‍ സൗജന്യമായി വിതരണം ചെയ്യുന്ന കോണ്ടങ്ങള്‍ക്ക് ഗുണനിലവാരമില്ലെന്ന് ലൈംഗികത്തൊഴിലാളികള്‍.

ദില്ലിയിലെ ജിബി റോഡില്‍ നിന്നുള്ള ലൈംഗികത്തൊഴിലാളികളാണ് കോണ്ടത്തിനെതിരെ ആരോപണവുമായി രംഗത്തെത്തിയിരിക്കുന്നത്.

ലൈംഗികത്തൊഴിലാളികളില്‍ എച്ച്‌ഐവി ബാധ തടയാനായി എന്‍ജിഒ, നാകോ തുടങ്ങിയവ വഴിയാണ് സര്‍ക്കാര്‍ സൗജന്യമായി കോണ്ടം വിതരണം ചെയ്യുന്നത്.

എന്നാല്‍ ഇവ ഉപയോഗിക്കുമ്പോള്‍ ത്വക് രോഗങ്ങള്‍ പോലുള്ള ആരോഗ്യപ്രശ്‌നങ്ങള്‍ ഉണ്ടാകുന്നുവെന്നാണ് ലൈംഗികത്തൊഴിലാളികള്‍ പരാതിപ്പെടുന്നത്.

സൗജന്യമായി നിലവാരമില്ലാത്ത കോണ്ടങ്ങല്‍ ലഭിക്കുന്നതിലും നല്ലത് തങ്ങല്‍ സ്വതം പണം കൊടുത്ത് നിലവാരമുള്ളവ വാങ്ങി ഉപയോഗിക്കുന്നതാണെന്നും ഇവര്‍ പറയുന്നു. ഈ പ്രശ്‌നം സര്‍ക്കാറിന്റെ ശ്രദ്ധയില്‍പ്പെടുത്താന്‍ ഇവര്‍ തീരുമാനിച്ചുകഴിഞ്ഞു.

എന്നാല്‍ ഇതുമായി ബന്ധപ്പെട്ട് ഇതേവരെ ആരില്‍ നിന്നും ഒരു പരാതിയും ലഭിച്ചിട്ടില്ലെന്നാണ് നാഷണല്‍ എഡ്‌സ് കണ്‍ട്രോള്‍ സൊസൈറ്റിയുടെ ജോയിന്റെ സെക്രട്ടറി ആരാധന ജോഹ്രി പറയുന്നത്.

ഈ പ്രശ്‌നം അറിഞ്ഞസ്ഥിതിയ്ക്ക് ഇതിനെക്കുറിച്ച് ഔദ്യോഗിക തലത്തില്‍ അന്വേഷണം നടത്തി സര്‍ക്കാറിന് റിപ്പോര്‍ട്ട് നല്‍കുമെന്നും ജോഹ്രി അറിയിച്ചു.

ജിബി റോഡില്‍ മാത്രം ഏതാണ് 116 വേശ്യാലയങ്ങള്‍ പ്രവര്‍ത്തിക്കുന്നുണ്ട്. ഇതില്‍ നിന്നെല്ലാമായി രാജ്യത്തിനകത്തും പുറത്തും നിന്നുള്ള 5000ത്തോളം സ്ത്രീകള്‍ ലൈംഗികവൃത്തിയിലേര്‍പ്പെടുന്നുണ്ട്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X