Click it and Unblock the Notifications
Just In
Don't Miss
-
T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
സിമി ക്യാന്പ് കേസുകളും എന്‍ഐഎയ്ക്ക്
സിമിയുടെ പാനായിക്കുളം, വാഗമണ്‍ ക്യാമ്പ്‌ കേസുകളുടെ അന്വേഷണവും ഏറ്റെടുക്കാന്‍ എന്‍ഐഎ തീരുമാനിച്ചു.
ഗുജറാത്തിലെ അഹമ്മദാബാദ്‌, സൂറത്ത്‌ സ്‌ഫോടനപരമ്പരകള്‍ ആസൂത്രണം ചെയ്‌തത്‌ ആലുവയ്‌ക്കടുത്തുള്ള പാനായിക്കുളത്തും കോട്ടയം ജില്ലയിലെ വാഗമണിലുമാണെന്ന റിപ്പോര്‍ട്ടുകളുടെ അടിസ്‌ഥാനത്തിലാണിത്‌.
കോഴിക്കോട്‌ ഇരട്ടസ്‌ഫോടനം, കളമശേരി ബസ്‌ കത്തിക്കല്‍, കാശ്‌മീര്‍ തീവ്രവാദ റിക്രൂട്ട്‌മെന്റ്‌ എന്നീ കേസുകള്‍ക്കു പുറമേയാണ്‌ പാനായിക്കുളം, വാഗമണ്‍ കേസുകള്‍കൂടി എന്‍ഐഎ ഏറ്റെടുക്കുന്നത്‌.
അഭിപ്രായവ്യത്യാസങ്ങള്‍ മൂലം സിമിയില്‍നിന്നു വേര്‍പിരിഞ്ഞ്‌ 'ഇന്ത്യന്‍ മുജാഹിദീന്‍' രൂപീകരിച്ച സംഘം അഹമ്മദാബാദ്‌, സൂററ്റ്‌ സ്‌ഫോടനങ്ങള്‍ക്കുള്ള രൂപരേഖ തയാറാക്കിയത്‌ പാനായിക്കുളത്തും വാഗമണിലും നടത്തിയ ക്യാമ്പുകളിലാണെന്ന്‌ സംസ്‌ഥാന അന്വേഷണ ഉദ്യോഗസ്‌ഥര്‍ നേരത്തേ കണ്ടെത്തിയിരുന്നു.
പാനായിക്കുളത്തു 2006-ലും പിറ്റേവര്‍ഷം വാഗമണിലും നടത്തിയ ക്യാമ്പുകളില്‍ സിമിയുടെ പ്രമുഖ നേതാക്കളെല്ലാം പങ്കെടുത്തിരുന്നു. പാനായിക്കുളം ക്യാമ്പില്‍ സഫ്‌ദര്‍ നഗോറിയുമായി കൂടിക്കാഴ്‌ച നടത്തിയിരുന്നെന്ന്‌ ഇപ്പോള്‍ ബംഗളുരു പോലീസിന്റെ കസ്‌റ്റഡിയിലുള്ള തടിയന്റവിട നസീര്‍ വെളിപ്പെടുത്തിയിട്ടുണ്ട്.
പാനായിക്കുളം കേസില്‍ 18 പേരെ പ്രതിചേര്‍ത്തു തീവ്രവാദവിരുദ്ധ സ്‌ക്വാഡ്‌ തയാറാക്കിയ കുറ്റപത്രം ഇപ്പോള്‍ സംസ്‌ഥാന ആഭ്യന്തര മന്ത്രാലയത്തിന്റെ പരിഗണനയിലാണ്‌.
സര്‍ക്കാരിന്റെ അനുമതി ലഭിച്ചാലുടന്‍ കോടതിയില്‍ സമര്‍പ്പിക്കും. പിന്നെ പുനരന്വേഷണം നടത്താന്‍ എന്‍ഐഎയ്‌ക്കു കോടതി അനുമതി വേണ്ടിവരും.
