മത ചടങ്ങുകളില് പങ്കെടുക്കരുത്: സിപിഎം
ഇതിന്റെ ഭാഗമായി ജനപ്രതിനിധികള്ക്കുള്ള മാര്ഗനിര്ദ്ദേശം കേന്ദ്രകമ്മിറ്റി പുറപ്പെടുവിച്ചു. പത്തൊന്പതാം പാര്ട്ടി കോണ്ഗ്രസിന്റെ തീരുമാനത്തിനനുസൃതമായി കേന്ദ്രകമ്മിറ്റി ചര്ച്ച ചെയ്ത് അംഗീകരിച്ച മാര്ഗനിര്ദ്ദേശങ്ങളാണ് നേതൃത്വം പുറപ്പെടുവിച്ചിരിക്കുന്നത്.
നേതാക്കളുടെയും ജനപ്രതിനിധികളുടെയും ജീവിത ശൈലി സംബന്ധിച്ചുള്ള ആറിന നിര്ദ്ദേശങ്ങളാണ് ഇപ്പോള് പുറപ്പെടുവിച്ചിരിക്കുന്നത്.
പാര്ട്ടി അംഗങ്ങളായ ജനപ്രതിനിധികള് സമ്മാനങ്ങള് സ്വീകരിക്കരുതെന്നതാണ് ഒരു നിര്ദ്ദേശം. പൊതുസ്വകാര്യ സ്ഥാപനങ്ങളില് നിന്നോ വ്യക്തികളില് നിന്നോ സമ്മാനങ്ങള് വാങ്ങാന് പാടില്ല.
വീട്ടിലോ പുറത്തോ ഉള്ള മതപരമായ ചടങ്ങുകളില് നിന്നും ഒഴിവായി നില്ക്കണം. പുതിയ വീടോ വാഹനമോ വാങ്ങുമ്പോള് അക്കാര്യം ബന്ധപ്പെട്ട പാര്ട്ടി ഘടകത്തെ അറിയിക്കണം.
പണപ്പിരിവ് നടത്തുന്നുണ്ടെങ്കില് അത് പൂര്ണമായും സുതാര്യമായിരിക്കണം. പാര്ട്ടിയുടെ അനുമതിയോടെ മാത്രമേ ഇത് ചെയ്യാന് പാടുള്ളു.
ഇതിന്റെ വിശദാംശങ്ങള് പാര്ട്ടിയെ അറിയിക്കുകയും വേണം. പാര്ട്ടി ലെവി കൃത്യമായി നല്കണം.
പൊളിറ്റ് ബ്യൂറോ, കേന്ദ്രകമ്മിറ്റി അംഗങ്ങളുടെ പ്രവര്ത്തന, ജീവിത ശൈലികള് പരിശോധിക്കുന്നതിനുള്ള രേഖയ്ക്ക് കഴിഞ്ഞ പിബി യോഗം രൂപം നല്കിയിരുന്നു.