എന്‍ഐഎയുടെ രീതി ശരിയല്ല: യെച്ചൂരി

കണ്ണൂര്‍: യുഡിഎഫ് സംരക്ഷിക്കുന്ന മതതീവ്രവാദികളുടെ പങ്ക് വെളിച്ചത്തുവരുമെന്നുള്ളതുകൊണ്ടാണ് എന്‍ഐഎ ചില പ്രത്യേക കേസുകള്‍ മാത്രം അന്വേഷിക്കുന്നതെന്ന് സിപിഎം നേതാവ് സീതാറാം യച്ചൂരി.

സിപിഎം സംഘടിപ്പിക്കുന്ന മതതീവ്രവാദ വിരുദ്ധ കാംപെയിന്‍ ഉത്ഘാടനം ചെയ്യുകയായിരുന്നു അദ്ദേഹം.

കേരളസര്‍ക്കാറുമായി ആലോചിക്കാതെ എന്‍ഐഎ ഇവിടുത്തെ കേസുകള്‍ ഏറ്റെടുത്തത് ശരിയായ നടപടിയല്ല.

എന്തുകൊണ്ടാണ് അവര്‍ എല്ലാ കേസുകളും ഏറ്റെടുത്ത് അന്വേഷിക്കാത്തത്. ഈ വിഷയത്തില്‍ കോണ്‍ഗ്രസ് രാഷ്ട്രീയം കളിക്കുകയാണ്- യച്ചൂരി കുറ്റപ്പെടുത്തി.

ഭീകരവാദത്തിനെതിരെയുള്ള കേസുകളില്‍ കോണ്‍ഗ്രസ് സന്ധി ചെയ്യുകയാണെന്നും യച്ചൂരി പറഞ്ഞു.