കെഎസ്ആര്ടിസി സമരം: സിഐടിയു പിന്മാറി
ക്ഷാമബത്ത കുടിശിക വിതരണം ചെയ്യുക, താല്കാലിക ജീവനക്കാരെ സ്ഥിരപ്പെടുത്തുക എന്നീ ആവശ്യങ്ങള് ഉന്നയിച്ചായിരുന്നു കെഎസ്ആര്ടിസി എംപ്ലോയീസ് അസോസിയേഷന് സമരത്തിന് ആഹ്വാനം ചെയ്തിരുന്നത്.
ഗതാഗതമന്ത്രി ജോസ് തെറ്റയിലുമായി തിരുവനന്തപുരത്ത് നടന്ന ചര്ച്ചയില് സമരക്കാരുടെ ആവശ്യങ്ങള്ക്ക് അനുകൂലമായ തീരുമാനമാണുണ്ടായത്. ആകെയുള്ള ഏഴു ക്ഷാമബത്ത കുടിശികകളില് രണ്ടെണ്ണം ഈ മാസത്തെ ശമ്പളത്തോടൊപ്പം നല്കാമെന്ന് സര്ക്കാര് അറിയിച്ചു. ഇതേ തുടര്ന്നാണ് സിഐടിയു സമരത്തില് നിന്നും പിന്മാറുന്നതായി പ്രഖ്യാപിച്ചത്.
എന്നാല് ബാക്കി അഞ്ചു ക്ഷാമബത്ത കുടിശികകളുടെ കാര്യത്തില് സര്ക്കാര് തീരുമാനം അറിയിക്കാത്തതില് പ്രതിപക്ഷ സംഘടനകള് പ്രതിഷേധം പ്രകടിപ്പിച്ചു. ഇക്കാരണത്താല് സമരത്തില് നിന്ന് പിന്മാറുമോ ഇല്ലയോ എന്നത് സംബന്ധിച്ച് പിന്നീട് മാത്രമേ തീരുമാനം അറിയിക്കാന് കഴിയുകയുള്ളൂവെന്നും പ്രതിപക്ഷ സംഘടന പ്രതിനിധികള് പറഞ്ഞു.
കെഎസ്ആര്ടിസിയിലെ ഏറ്റവും പ്രബല യൂണിയനായ സിഐടിയുവിന്റെ പിന്മാറ്റം മറ്റു പ്രതിപക്ഷ സംഘടനകളെയും സമരത്തില് നിന്ന് പിന്വാങ്ങാന് നിര്ബന്ധിതരാക്കുമെന്നാണ് കരുതപ്പെടുന്നത്.
Click it and Unblock the Notifications
Sign in with Google