സംവരണം: എന്‍എസ്എസിനെതിരെ കുഞ്ഞാലിക്കുട്ടി

കോഴിക്കോട്: സംവരണം വേണമെന്ന എന്‍എസ്എസിന്റെ ആവശ്യത്തോടു യോജിക്കാന്‍ കഴിയില്ലെന്ന് മുസ്ലീ ലീഗ് സംസ്ഥാന ജനറല്‍ സെക്രട്ടറി പി.കെ.കുഞ്ഞാലിക്കുട്ടി. ഭരണഘടനാപരമായി സംവരണംപിന്നാക്ക വിഭാഗങ്ങളുടെ അവകാശമാണെന്നും അദ്ദേഹം വ്യക്തമാക്കി.

അതേ സമയം യുഡിഎഫ് ഇക്കാര്യത്തില്‍ അഭിപ്രായ സമന്വയം ഉണ്ടാക്കുകയാണു വേണ്ടതെന്നും അദ്ദേഹം പറഞ്ഞു. കോഴിക്കോടു മാധ്യമ പ്രവര്‍ത്തകരോടു സംസാരിക്കുകയായിരുന്നു പികെ.കുഞ്ഞാലിക്കുട്ടി.

ജാതി വ്യവസ്ഥയുടെ ഭാഗമായി സമൂഹത്തില്‍ പിന്നോക്കമായിപ്പോയവരെ ഉയര്‍ത്തിക്കൊണ്ടു വരാനാണ് സംവരണം നടപ്പാക്കിയത്. തീവ്രവാദത്തെയും ഫാസിസത്തെയും ഒരുപോലെ സംരക്ഷിക്കുന്ന പ്ലാറ്റ്‌ഫോമായി സിപിഎം മാറിയെന്നും കുഞ്ഞാലിക്കുട്ടി കുറ്റപ്പെടുത്തി.