സുരാജ് 3 സിനിമകളില് നായകനാവുന്നു
ചുരുങ്ങിയ കാലയളവില് മലയാള സിനിമയിലെ ഏറ്റവും തിരക്കുള്ള താരമായി മാറിയ സുരാജിന് മൂന്ന് സിനിമകളില് നായകനാവാനുള്ള ക്ഷണമാണ് ലഭിച്ചിരിയ്ക്കുന്നത്. രേവതി കലാമന്ദിറിന്റെ ബാനറില് ബാലന് മേനോന് സംവിധാനം ചെയ്യുന്ന ചിത്രമാണ് ഇതില് ആദ്യത്തേത്. ഷൈജു അന്തിക്കാട്, തുളസീദാസ് എന്നീ സംവിധായകന്മാരുടെ സിനിമകളിലായിരിക്കും ഇതിന് ശേഷം നടന് നായകവേഷമണിയുക..
ഡ്യൂപ്ലിക്കേറ്റിലൂടെ ബോക്സ് ഓഫീസില് ചലനം സൃഷ്ടിച്ച താരം ഇതിന് ശേഷം ഏഴോളം സിനിമകളില് സപ്പോര്ട്ടിങ് റോളുകളില് അഭിനയിച്ചിരുന്നു. കഴിഞ്ഞ വര്ഷം ഇരുപത്തിനാലോളം സിനിമകളിലാണ് ഈ ഹാസ്യതാരം നിറഞ്ഞുനിന്നത്. സിനിമകളുടെ എണ്ണത്തില് ജഗതി മാത്രമാണ് സുരാജിന് മുന്നിലുള്ളത്. മുപ്പതോളം ചിത്രങ്ങളിലാണ് ജഗതി പ്രത്യക്ഷപ്പെട്ടത്.
മമ്മൂട്ടിയ്ക്കൊപ്പം സുരാജ് തകര്ത്തഭിനയിച്ച ക്രിസ്മസ് ചിത്രം ചട്ടമ്പിനാട് സൂപ്പര് ഹിറ്റിലേക്ക് നീങ്ങുന്ന വാര്ത്തകള് കേട്ടുകൊണ്ടാണ് സുരാജ് പുതുവര്ഷത്തെ വരവേല്ക്കുന്നത്.