ആസ്ത്രേലിയയില് ഇന്ത്യക്കാരന്റെ ജഡം കണ്ടെത്തി
ഇരുപത്തിയഞ്ചു വയസ് പ്രായം തോന്നിക്കുന്നയാളിന്റെ ജഡമാണ് ഗ്രിഫിത്തിലെ റോഡരികില് കണ്ടെത്തിയത്. ഇയാളുടെ പേരോ മറ്റു വിവരങ്ങളോ ഇതേവരെ ലഭ്യമായിട്ടില്ല.
ന്യൂ സൗത്ത് വേല്സ് പോലീസ് ഇതിനുവേണ്ടി ഇന്ത്യന് കോണ്സുലേറ്റ് വഴി ശ്രമങ്ങള് ആരംഭിച്ചിട്ടുണ്ട്. സംഭവത്തെ കുറിച്ച് സ്റ്റേറ്റ് ക്രൈം കമാന്ഡിലെ ഡിറ്റക്റ്റീവുകളുടെ സഹായത്തോടെ പോലീസ് അന്വേഷണം ആരംഭിച്ചു.
നിധിന് ഗാര്ഗ് എന്ന വിദ്യാര്ഥിയുടെ കൊലപാതകത്തിന് തൊട്ടുപിറകെയാണ് മറ്റൊരു ഇന്ത്യക്കാരന് കൂടി കൊല്ലപ്പെട്ടുവെന്ന വാര്ത്ത പുറത്തുവന്നിരിക്കുന്നത്. ആസ്ത്രേലിയയിലെ ഇന്ത്യന് സമൂഹത്തെ ഈ സംഭവങ്ങള് അസ്വസ്ഥരാക്കുകയാണ്.
ഇന്ത്യക്കാരന്റെ കരിഞ്ഞ ജഡം കിടന്ന വില്ബ്രിജി പ്രദേശത്ത് തൊഴില്തര്ക്കങ്ങളും ഇതിനെ തുടര്ന്നുള്ള അക്രമവും സാധാരണമാണെന്ന് ഓസ്ട്രേലിയന് വര്ക്കേഴ്സ് യൂണിയന് നേതാവ് ഹാരി ഗറിങ് പറഞ്ഞു. ഇതാണോ ഇന്ത്യക്കാരന്റെ കൊലപാതകത്തിന് വഴിവച്ചത് എന്ന കാര്യം പോലീസ് അന്വേഷിക്കുന്നുണ്ട്.