നടപടി ഭയന്ന് ബസ്സുകള് ഓടിത്തുടങ്ങി
കോഴിക്കോട്ടാണ് ബസ്സുകള് ഓടിത്തുടങ്ങിയത്. ബസ് സ്റ്റാന്ഡില് നിന്നും രാവിലെ 15 ഓളം ബസ്സുകള് സര്വ്വീസ് ആരംഭിച്ചു.
ഉച്ചയോടെ 40 ശതമാനത്തോളം ബസ്സുകള് സര്വ്വീസ് നടത്തുമെന്ന് ഉടമകള് അറിയിച്ചു. ജനങ്ങളുടെ ബുദ്ധിമുട്ട് മനസ്സിലാക്കിയാണ് സമരത്തില് നിന്ന് പിന്മാറുന്നതെന്നും ഇവര് പറഞ്ഞു. തൃശൂര് ജില്ലയിലും ഏതാനും ബസുകള് ഓടിത്തുടങ്ങുമെന്നാണ് അറിയുന്നത്.
അതേസമയം തിരുവനന്തപുരം നഗരത്തില് ബസ് സമരം ഭാഗികമാണ്. നഗരത്തില് സര്വീസ് നടത്തുന്ന സ്വകാര്യ ബസുകളില് അധികവും താല്ക്കാലിക പെര്മിറ്റ് ഉള്ളവയായതിനാല് ഇവ സമരത്തില് പങ്കെടുക്കുന്നില്ല.
കൊച്ചി, കോട്ടയം, തൃശൂര് ജില്ലകളില് സമരം പൂര്ണ്ണമാണ്. അതിനിടെ സമരം മുതലെടുത്ത് സമാന്തര സര്വീസുകള് അമിത ചാര്ജ് ഈടാക്കുന്നതായി പരാതിയുയര്ന്നിട്ടുണ്ട്. ടാക്സികളും സമാന്തര സര്വീസുകളും നിരത്തിലിറങ്ങിയതോടെ പലയിടങ്ങളിലും ഗതാഗത തടസ്സം അനുഭവപ്പെടുന്നുണ്ട്.
Click it and Unblock the Notifications
Sign in with Google