എച്ച്എംടി ഭൂമിയിടപാട് സുപ്രീം കോടതി ശരിവച്ചു

ദില്ലി: എച്ച്‌എംടി ഭൂമിയിടപാട്‌ ശരിവച്ചുകൊണ്ടുള്ള ഹൈക്കോടതി ഉത്തരവ്‌ സുപ്രീം കോടതി ശരിവച്ചു. വ്യവസായിക ആവശ്യങ്ങള്‍ക്കു മാത്രമേ ഭൂമി ഉപയോഗിക്കാവൂവെന്നും കോടതി വ്യക്‌തമാക്കി.

എച്ച്‌എംടി ഭൂമി ബ്ലൂസ്റ്റാര്‍ റിയലറ്റേഴ്സ് എന്ന കന്പനിക്ക് കൈമാറിയ നടപടി ശരിവച്ച ഹൈക്കോടതി വിധിക്കെതിരെ ജോയി കൈതാരം എന്ന പൊതു പ്രവര്‍ത്തകന്‍ നല്‍കിയ ഹര്‍ജിയിലാണ്‌ ഈ ഉത്തരവ്‌.

ഇടപാടില്‍ അഴിമതി നടന്നുവെന്നത് തെളിയിക്കുനന് രേഖകളൊന്നും ഹര്‍ജിക്കാരന്‍ സമര്‍പ്പിച്ചിട്ടില്ലെന്ന കേസ് പരിഗണിച്ച ജസ്റ്റീസുമാരാ ആര്‍.വി രവീന്ദ്രന്‍, കെ.എസ് രാധാകൃഷ്ണന്‍ എന്നിവര്‍ വ്യക്തമാക്കി.

കേസിന്റെ ഈ ഘട്ടത്തില്‍ ഇടപെടാനാവില്ലെന്നും സുപ്രീം കോടതി പറഞ്ഞു.