റാഞ്ചിയ കപ്പലുകളില്‍ 2 മലയാളികള്‍

മൊഗാദിഷു: സൊമാലിയന്‍ കടലിടുക്കില്‍ നിന്ന് കടല്‍ക്കൊളളക്കാര്‍ തട്ടിക്കൊണ്ടുപോയ രണ്ടു കപ്പലുകളില്‍ രണ്ടു മലയാളികളുള്ളതായി സ്ഥിരീകരിച്ചു.

ലണ്ടന്‍ ആസ്ഥാനമായുള്ള സോഡിയാക് മാരിടൈം എന്ന കമ്പനിയുടെ സെന്റ് ജെയിംസ് പാര്‍ക്ക്, ഏഷ്യന്‍ ഗ്ലോറി എന്നീ കപ്പലുകളാണ് സൊമാലിയയിലെ ഹോബിയോയില്‍ വച്ച് കാണാതായത്. തുടര്‍ന്നു നടത്തിയ തിരച്ചിലില്‍ കപ്പലുകള്‍ കടല്‍ക്കൊളളക്കാര്‍ തട്ടിക്കൊണ്ടുപോയതാണെന്ന് കണ്ടെത്തുകയായിരുന്നു.

ഡിസംബര്‍ 29-നും ജനവരി 1-നും കാണാതായ രണ്ടു ചരക്കുകപ്പലുകളില്‍ ജീവനക്കാരായിരുന്ന കൊച്ചിസ്വദേശിയേയും ചെന്നൈയില്‍ സ്ഥിരതാമസക്കാരനായിരുന്ന മറ്റൊരു മലയാളിയേയുമാണ് കാണാതായത്.

സെന്റ് ജെയിംസില്‍ ആറു ഇന്ത്യക്കാരും ഏഷ്യന്‍ ഗ്ലോറിയില്‍ അഞ്ചു ഇന്ത്യക്കാരുമുണ്ടെന്ന് കമ്പനി അധികൃതര്‍ അറിയിച്ചു.