വിഎസ് ജ്യോതി ബസുവിനെ സന്ദര്ശിച്ചു
വെള്ളിയാഴ്ച വൈകീട്ട് ആറു മണിയോടെയാണ് വിഎസ് എഎംഐര്ഐ ആശുപത്രിയില് എത്തി ബസുവിനെ കണ്ടത്.
ബസുവിന്റെ ആരോഗ്യനിലയില് ഇടക്കിടെ പുരോഗതികാണുന്നുണ്ടെന്ന് ഡോക്ടര്മാര് പറഞ്ഞതായി സന്ദര്ശനം കഴിഞ്ഞ് പുറത്തെത്തിയ വിഎസ് മാധ്യമപ്രവര്ത്തകരോട് പറഞ്ഞു. മേഘാലയ മുഖ്യമന്ത്രി ഡിഡി ലപാങും വിഎസിനൊപ്പമുണ്ടായിരുന്നു.
ബസുവിന്റെ നില മാറ്റമില്ലാതെ തുടരുകയാണെന്ന് വെള്ളിയാഴ്ച വൈകീട്ട് പുറത്തിറക്കിയ മെഡിക്കല് ബുള്ളറ്റിന് വ്യക്തമാക്കുന്നു.
നേരത്തെ ബസുവിന്റെ ചികിത്സ സംബന്ധിച്ച് ദില്ലിയിലെ ഓള് ഇന്ത്യ ഇന്സ്റ്റിറ്റിസ്റ്റ്യൂട്ട് ഓഫ് മെഡിക്കല് സയന്സസിലെ വിദഗ്ധരുമായി കൊല്ക്കത്ത എഎംആര്ഐ ആശുപത്രിയിലെ ഡോക്ടര്മാര് വീഡിയോ കോണ്ഫറന്സ് നടത്തിയിരുന്നു.
ബസുവിന്റെ ശരീരം മരുന്നുകളോട് പ്രതികരിക്കുന്നുണ്ടെങ്കിലും ഇത് എത്രമാത്രം ഗുണകരമാകുന്നുവെന്നകാര്യത്തില് ഡോക്ടര്മാര്ക്ക് ആശങ്കയുണ്ട്.
അദ്ദേഹത്തിന്റെ രക്തസമ്മര്ദ്ദത്തില് അടിക്കടി വ്യത്യാസം വന്നുകൊണ്ടിരിക്കുകയാണ്. പലപ്രമുഖരും ആശുപത്രയിലെത്തി ബസുവിനെ സന്ദര്ശിക്കുന്നുണ്ട്.