കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അംബാനിമാര്‍ക്കെതിരായ വാര്‍ത്ത: 2പേര്‍ അറസ്റ്റില്‍

  • By Staff
Google Oneindia Malayalam News

TV 5 Editors
ഹൈദരാബാദ്: ആന്ധ്ര മുന്‍ മുഖ്യമന്ത്രി വൈ.എസ് രാജശേഖര റെഡ്ഡിയുടെ അപകടമരണത്തിനു പിന്നില്‍ അംബാനിമാരാണെന്ന വാര്‍ത്ത സംപ്രേഷണം ചെയ്ത കേസില്‍ രണ്ടു മുതിര്‍ന്ന മാധ്യമപ്രവര്‍ത്തകരെ പോലീസ് അറസ്റ്റ് ചെയ്തു.

സംഭവവുമായി ബന്ധപ്പെട്ട് എന്‍ടിവി, സാക്ഷി ടിവി എന്നീ രണ്ടു ചാനലുകള്‍ക്കെതിരെകൂടി കേസെടുത്തിട്ടുണ്ട്. സാക്ഷി ടി.വി കോണ്‍ഗ്രസ് എം.പി.യും രാജശേഖര റെഡ്ഡിയുടെ മകനുമായ ജഗന്മോഹന്‍ റെഡ്ഡിയുടെ ഉടമസ്ഥതയിലുള്ളതാണ്.

ടിവി-51 പാനല്‍ എക്‌സിക്യൂട്ടീവ് എഡിറ്റര്‍ ബ്രഹ്മാനന്ദറെഡ്ഡിയെയും ഇന്‍പുട്ട് എഡിറ്റര്‍ വെങ്കിടകൃഷ്ണയെയുമാണ് അറസ്റ്റ് ചെയ്തത്. ആന്ധ്രാപ്രദേശ് യൂണിയന്‍ ഓഫ് വര്‍ക്കിങ് ജേര്‍ണലിസ്റ്റ്‌സും ജേര്‍ണലിസ്റ്റ്‌സ് അസോസിയേഷനും ഇവരുടെ അറസ്റ്റിനെതിരെ പ്രതിഷേധറാലികള്‍ സംഘടിപ്പിച്ചു.

ഒരു വെബ്‌സൈറ്റില്‍ വന്ന വാര്‍ത്ത സംപ്രേഷണം ചെയ്തതിന് അറസ്റ്റ്‌വാറന്റില്ലാതെയാണ് മുതിര്‍ന്ന മാധ്യമപ്രവര്‍ത്തകരെ അറസ്റ്റ് ചെയ്തതെന്ന് ഇരുസംഘടനകളും ആരോപിച്ചു.

ചാനല്‍ സംപ്രേഷണം ചെയ്ത വാര്‍ത്തകളുടെ നിജസ്ഥിതി അറിയാന്‍ സിഐഡി അന്വേഷണത്തിന് ഉത്തരവിട്ടിട്ടുണ്ടെന്ന് ആന്ധ്ര മുഖ്യമന്ത്രി കെ. റോസയ്യ പറഞ്ഞു.

വാര്‍ത്താ സംപ്രേഷണത്തെത്തുടര്‍ന്ന് ആന്ധ്രാപ്രദേശിലെ അംബാനിയുടെ ഉടമസ്ഥതയിലുള്ള റിലയന്‍സ് സ്ഥാപനങ്ങളുടെ നേര്‍ക്ക് പരക്കെ ആക്രമണമുണ്ടായിരുന്നു.

റെഡ്ഡിയുടെ മരണത്തിനിടയായ അപകടത്തില്‍ തങ്ങള്‍ക്കു പങ്കുണ്ടെന്ന വാര്‍ത്ത അടിസ്ഥാനരഹിതമാണെന്ന് റിലയന്‍സ് പ്രസ്താവിച്ചു.
അഞ്ചു മാസമായിട്ടും വൈഎസ്ആറിന്റെ ഹെലികോപ്ടര്‍ അപകടത്തിനുപിന്നിലെ കാരണം വെളിപ്പെട്ടിട്ടില്ല.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X