3 അയ്യപ്പഭക്തര്‍ അപകടത്തില്‍ മരിച്ചു

കാസര്‍കോട്: കാസര്‍കോട് ജില്ലയിലെ ബോവിക്കാനത്ത് അയ്യപ്പഭക്തര്‍ സഞ്ചരിച്ചിരുന്ന ബസ് മറിഞ്ഞ് 3 പേര്‍ മരിച്ചു. 26 പേര്‍ക്ക് പരിക്കേറ്റു.

ഇതില്‍ നാലുപേരുടെ നില ഗുരുതരമാണ്. കര്‍ണാടകത്തില്‍ നിന്നും ശബരിമലയിലേക്ക് പോകുന്നവരാണ് അപകടത്തില്‍പ്പെട്ടത് .

ചൊവ്വാവ്ച പുലര്‍ച്ചെ രണ്ടുമണിയോടെയാണ് അപകടമുണ്ടായത്. നിയന്ത്രണം വിട്ട ബസ് റോഡരികിലെ മണ്‍ തിട്ടയില്‍ ഇടിച്ചു മറിയുകയായിരുന്നുവെന്നാണ് കരുതുന്നത്. അപകടം നടക്കുമ്പോള്‍ ബസില്‍ 58 പേരുണ്ടായിരുന്നു.

ബാംഗ്ലൂരിലെ വൈറ്റ് ഫീല്‍ഡ്, എയര്‍പോര്‍ട്ട് പ്രദേശങ്ങളിലുള്ളവരാണ് അയ്യപ്പഭക്തര്‍. പരിക്കേറ്റവര്‍ കാസര്‍കോട് നായനാര്‍ മെമ്മോറിയല്‍ ആസ്​പത്രിയില്‍ ചികിത്സയിലാണ്. മൃതദേഹങ്ങള്‍ കാസര്‍കോട് ജനറല്‍ ആസ്​പത്രിയില്‍ സൂക്ഷിച്ചിരിക്കുകയാണ്.