ഗംഗാസാഗര്‍ മേള: തിരക്കില്‍പ്പെട്ട് 7 മരണം

കൊല്‍ക്കത്ത: പശ്ചിമ ബംഗാളില്‍ ഗംഗാസാഗര്‍ മേളയ്ക്കിടയിലുണ്ടായ തിക്കിലുംതിരക്കിലും പെട്ട് മരിച്ചു. പന്ത്രണ്ട് പേര്‍ക്ക് ഗുരുതരമായി പരിക്കേറ്റു. ഇതില്‍ നാല് പേരുടെ നില ഗുരുതരമാണ്. മരിച്ചവരില്‍ ആറ് സ്ത്രീകളും ഒരു കുട്ടിയും ഉള്‍്‌പ്പെട്ടിട്ടുണ്ടെന്ന് അധികൃതര്‍ അറിയിച്ചു.

പാര്‍ഗനാസ് ജില്ലയില്‍ എല്ലാവര്‍ഷവും അരങ്ങേറുന്ന ആത്മീയ മേളയ്ക്കിടയിലാണ് ദുരന്തമുണ്ടായത്. ഏകദേശം നാലു ലക്ഷം പേരാണ് ഗംഗാനദിയില്‍ സ്‌നാനം ചെയ്യുന്നതിനായി ബംഗാളിലെ ഗംഗാസാഗര്‍ ദ്വീപിലെത്തുന്നത്.

ബോട്ട് ജെട്ടിയിലുണ്ടായിരുന്ന ബോട്ടിലേക്ക് തള്ളിക്കയറാന്‍ ശ്രമിച്ചതാണ് അപകടത്തിന് വഴിവെച്ചത്. പരിക്കേറ്റവരെ വിവിധ ആശുപത്രികളില്‍ പ്രവേശിപ്പിച്ചു.