Click it and Unblock the Notifications
Just In
Don't Miss
-
ആദ്യ ക്ലാരിറ്റി വരുത്തേണ്ടത് പുറത്തെ ബന്ധത്തിൽ; നിങ്ങളുടെ നാടകത്തിൽ അയാൾക്ക് എന്താണ് റോൾ?; ചർച്ച -
T20 World Cup 2024: ടി20 ലോകകപ്പില് ജഡേജ വേണ്ട, പകരം അക്ഷര് മതി! ഈ കാരണങ്ങള് നോക്കൂ -
ആയുര്വ്വേദം ഉറപ്പ് നല്കുന്ന പരിഹാരം വായ്നാറ്റത്തിന് -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഹരിദ്വാറില്‍ മഹാകുംഭ മേളക്ക് തുടക്കമായി
ഹരിദ്വാര്‍: ലോകത്ത് ഏറ്റവുമധികം തീര്‍ത്ഥാടകര്‍ എത്തുന്ന ഉത്സവാഘോഷമെന്ന് വിശേഷിപ്പിക്കപ്പെടുന്ന മഹാകുംഭമേളയ്ക്ക് ഹരിദ്വാറില്‍ തുടക്കമായി. മകരസംക്രാന്തി ദിനത്തില്‍ ഗംഗാനദിയില്‍ പുണ്യസ്‌നാം ചെയ്ത് പാപമുക്തി നേടാന്‍ പതിനായിരങ്ങളാണ് പ്രവഹിയ്ക്കുന്നത്.
മകര സംക്രാന്തിയും പൊങ്കലും ഉത്തരായനാരംഭവുമായ ദിനത്തിലാണ് കുംഭമേള ആരംഭിച്ചിരിയ്ക്കുന്നത്. നാലു മാസം നീണ്ടുനില്‍ക്കുന്ന മഹാകുംഭ മേളയില്‍ അഞ്ചു കോടിയിലേറെ തീര്‍ത്ഥാടകര്‍ എത്തുമെന്നാണ് കരുതുന്നത്.
12 വര്‍ഷത്തിലൊരിക്കല്‍ പൂര്‍ണകുംഭമേളയും ആറുവര്‍ഷത്തിലൊരിക്കല്‍ അര്‍ധകുംഭമേളയുമാണ് നടക്കാറുള്ളത്. ഹരിദ്വാറിലും പ്രയാഗിലും മാത്രമേ ആറു വര്‍ഷം കൂടുമ്പോള്‍ അര്‍ധ കുംഭമേള നടത്താറുള്ളൂ. പൂര്‍ണകുംഭമേള നാലു സ്ഥലങ്ങളിലാണ് നടത്തുക. മധ്യപ്രദേശിലെ പ്രയാഗിലും ഉജ്ജയിനിലും ഉത്തരാഖണ്ഡിലെ ഹരിദ്വാറിലും മഹാരാഷ്ട്രയിലെ നാസിക്കിലും. പ്രയാഗില്‍ ഗംഗയും യമുനയും പ്രത്യക്ഷത്തില്‍ കാണാനാവാത്ത സരസ്വതിയും സംഗമിക്കുന്ന സ്ഥാനത്താണ് കുംഭമേളയെന്ന പ്രത്യേകതയുണ്ട്.
ഉത്തരഖണ്ഡിലെ ബിജെപി സര്‍ക്കാര്‍ ഹരിദ്വാറിലെ മഹാകുംഭ മേളയ്ക്ക് വന്‍ സന്നാഹങ്ങളാണ് ഒരുക്കിയിരിക്കുന്നത്. മൂന്നുറു കോടി രൂപയാണ് ഇത്തവണത്തെ ഒരുക്കങ്ങള്‍ക്കായി ചെലവഴിച്ചിരിയ്ക്കുന്നത്.
ഗംഗാനദിയുടെ 14 കിലോമീറ്ററോളം ദൂരം തീര്‍ത്ഥാടകര്‍ക്ക് പുണ്യസ്‌നാനത്തിനായി സജ്ജമാക്കിയിട്ടുണ്ട്. തിരക്കൊഴിവാക്കാനായി 45 താല്‍ക്കാലിക പാലങ്ങള്‍ പണിതിട്ടുണ്ട്. വന്‍ സുരക്ഷാ ക്രമീകരണങ്ങള്‍ ഏര്‍പ്പെടുത്തിയിട്ടുള്ളതായി അധികൃതര്‍ അറിയിച്ചു. 16,000 സുരക്ഷാ ഭടന്മാരെയാണ് ഇതിനായി നിയോഗിച്ചിരിയ്ക്കുന്നത്. നിരീക്ഷണത്തിനായി 100 ക്ലോസഡ് സര്‍ക്യൂട്ട് ടിവികളും സ്ഥാപിച്ചു.
