മരുന്ന് വില: യേശുദാസിന്റെ ഹര്‍ജി സ്വീകരിച്ചു

കൊച്ചി: ജീവന്‍ രക്ഷാമരുന്നുകളുടെ വില നിര്‍ണയിക്കാന്‍ സ്ഥിരം സംവിധാനം വേണമെന്നാവശ്യപ്പെട്ട് ഗായകന്‍ കെജെ യേശുദാസ് സമര്‍പ്പിച്ച ഹര്‍ജി ഹൈക്കോടതി ഫയിലില്‍ സ്വീകരിച്ചു.

ഹര്‍ജി പരിഗണിച്ച കോടതി എതിര്‍ കക്ഷികളായ കേന്ദ്ര- സംസ്ഥാന സര്‍ക്കാരുകള്‍ക്കും ഡ്രഗ്‌സ് കണ്‍ട്രോളര്‍ക്കും നോട്ടീസ് അയക്കാന്‍ ഉത്തരവിട്ടു.

ചീഫ് ജസ്റ്റിസ് എസ്.ആര്‍ ബന്നൂര്‍മഠ്, ജസ്റ്റിസ് തോട്ടത്തില്‍ രവീന്ദ്രന്‍ എന്നിവരടങ്ങുന്ന ബഞ്ചാണ് കേസ് പരിഗണിച്ചത്.