കരുണാകരന്റെ നില തൃപ്തികരം

തിരുവനന്തപുരം: ശ്വാസതടസത്തെ തുടര്‍ന്ന് ആസ്​പത്രിയില്‍ പ്രവേശിപ്പിച്ച മുതിര്‍ന്ന കോണ്‍ഗ്രസ് നേതാവ് കെ.കരുണാകരന്റെ നില തൃപ്തികരമാണെന്ന് ഡോക്ടര്‍മാര്‍ അറിയിച്ചു.

തിങ്കളാഴ്ച അദ്ദേഹത്തെ തീവ്രപരിചരണ വിഭാഗത്തില്‍നിന്നും വാര്‍ഡിലേക്ക് മാറ്റി. രണ്ടു ദിവസത്തിനകം അദ്ദേഹത്തിന് ആസ്​പത്രി വിടാനാകുമെന്നാണ് പ്രതീക്ഷിക്കുന്നതെന്നും ഡോക്ടര്‍മാര്‍ പറഞ്ഞു. അദ്ദേഹത്തിന് അഞ്ചു ദിവസത്തെ വിശ്രമം ഡോക്ടര്‍മാര്‍ നിര്‍ദ്ദേശിച്ചിട്ടുണ്ട്.

ഞായറാഴ്ച രാത്രിയാണ് അണുബാധയെത്തുടര്‍ന്ന് കരുണാകരനെ തിരുവനന്തപുരത്തെ സ്വകാര്യ ആസ്​പത്രിയില്‍ പ്രവേശിപ്പിച്ചത്. പനി ബാധിച്ചതിനെ തുടര്‍ന്ന് നവംബറില്‍ ഒരാഴ്ചയിലേറെ അദ്ദേഹം ആസ്​പത്രിയില്‍ കഴിഞ്ഞിരുന്നു.