തീവ്രവാദം: എന്‍ഐഎ 4കേസുകള്‍ രജിസ്റ്റര്‍ ചെയ്തു

ദില്ലി: കേരളത്തിലെ തീവ്രവാദ പ്രവര്‍ത്തനങ്ങളുമായി ബന്ധപ്പെട്ട് ദേശീയ അന്വേഷണ ഏജന്‍സി(എന്‍ഐഎ) നാല് കേസുകള്‍ രജിസ്റ്റര്‍ ചെയ്തു.

കളമശ്ശേരി ബസ് കത്തിക്കല്‍, കശ്മീരിലേക്ക് യുവാക്കളെ റിക്രൂട്ട് ചെയ്തത്, വാഗമണ്‍, പാനായിക്കുളം സിമി ക്യാമ്പുകള്‍ എന്നിവയുമായി ബന്ധപ്പെട്ടതാണ് കേസുകള്‍.

ലഷ്‌കര്‍ ഇ തൊയ്ബ ദക്ഷിണേന്ത്യന്‍ കമാന്‍ഡറായ തടിയന്റവിട നസീറാണ് എല്ലാ കേസുകളിലെയും പ്രധാനപ്രതി.

ഇന്ത്യ- ബംഗ്ലാദേശ് അതിര്‍ത്തിയില്‍നിന്നാണ് നസീര്‍ പിടിയിലായത്. ദില്ലിയിലെ ജെസോള പോലീസ് സ്‌റ്റേഷനിലാണ് കേസ് രജിസ്റ്റര്‍ ചെയ്തത്. കേരള പൊലീസിന്റെ എഫ്ഐആറില്‍ മാറ്റം വരുത്താതെയാണു പുതിയ എഫ്ഐആര്‍

കേരളത്തിലെ തീവ്രവാദ വിരുദ്ധ സ്‌ക്വാഡ് അന്വേഷിച്ചുവന്ന കേസുകളിലെ അന്വേഷണം ദേശീയ അന്വേഷണ ഏജന്‍സി ഏറ്റെടുക്കുകയായിരുന്നു.