ഗൂഗിള് നിയമത്തിന് അതീതമല്ല: ചൈന
ചൈനീസ് സര്ക്കാറിന്റെ ജിമെയില് ഹാക്കിങ് ഉള്പ്പെടെയുള്ള നടപടികള് വിവാദമായ പശ്ചാത്തലിത്തിലാണ് വിദേശകാര്യമന്ത്രാലയത്തിന്റെ ഈ ഔദ്യോഗിക പ്രതികരണം.
ചൈനയില് പ്രവര്ത്തിക്കുന്ന വിദേശ കമ്പനികള് ഇവിടത്തെ നിയമവ്യവസ്ഥകള് അനുസരിക്കാന് ബാധ്യസ്ഥരാണ്.
ഇവിടത്തെ പൊതുസംസ്കാരത്തിനും പാരമ്പര്യത്തിനും കളങ്കമുണ്ടാക്കുന്ന രീതിയില് പ്രവര്ത്തിക്കാന് ഒരു സ്ഥാപനത്തെയും അനുവദിക്കില്ല. ഇക്കാര്യത്തില് ഗൂഗിളിന് മാത്രം ഒരു ഇളവും നല്കാന് കഴിയില്ല- ചൈനയിലെ ആഭ്യന്തര മന്ത്രാലയം വ്ക്താവ് മ സോക്സു പറഞ്ഞു.
ഗൂഗിളിന്റെ സെര്ച്ച് ഫലങ്ങള് കര്ശനമായി സെന്സര് ചെയ്യുകയും ജി മെയില് ഹാക്ക് ചെയ്യുകയും ചെയ്ത സംഭവത്തിന്മേല് ഏറെ ചര്ച്ചകള് നടന്നുവരികയാണ്. എന്നാല് ചൈനയിലെ വിദേശകാര്യമന്ത്രാലയം ഇതേവരെ ഈ സംഭവത്തില് പ്രതികരിച്ചിരുന്നില്ല.
ഗൂഗിളിന്റെ കാര്യത്തില് ചൈനയുടെ നിലപാട് വ്യക്തമാക്കിയെങ്കിലും സെന്സര്ഷിപ്പ് സംബന്ധിച്ച പ്രശ്നത്തെക്കുറിച്ച് വക്താവ് പ്രതികരിച്ചിട്ടില്ല.
അതേസമയം ഇന്റര്നെറ്റ് ഹാക്കിങിന്റെ ഏറ്റവും വലിയ ഇര ചൈനയാണെന്നാണ് അദ്ദേഹം പറഞ്ഞത്. ഇതിനിടെ ചൈന ഇന്ത്യയിലെ തന്ത്രപ്രധാന കമ്പ്യൂട്ടര് ശൃംഗലകളില് നുഴഞ്ഞുകയറ്റ ശ്രമം നടത്തിയെന്ന് ദേശീയ സുരക്ഷാ ഉപദേഷ്ടാവ് എംകെ നാരായണന്റെ ആരോപണവും ചൈന നിഷേധിച്ചിട്ടുണ്ട്.
ചൈന ഇത്തരം ആക്രമണങ്ങള്ക്കെതിരാണെന്നും ഏതെങ്കിലും ചൈനക്കാര് ഇത്തരത്തിലുള്ള കുറ്റംചെയ്തതായി തെളിഞ്ഞാല് നിയമാനുസൃതം അയാളെ ശിക്ഷിക്കുമെന്നും മാ സോക്സു പറഞ്ഞു.