പൊലീസിനെ അതിന്റെ വഴിയ്ക്ക് വിടണം: ഉമ്മന്‍ ചാണ്ടി

തിരുവനന്തപുരം: സംസ്ഥാനത്തെ പൊലീസ് സേനയുടെ വിശ്വാസ്യത നഷ്ടപ്പെട്ടതിന്റെ ഒടുവിലത്തെ ഉദാഹരണമാണ് പോള്‍ വധക്കേസ് സിബിഐയ്ക്ക് ഹൈക്കോടതി വിധിയിലൂടെ വ്യക്തമായതെന്ന് പ്രതിപക്ഷ നേതാവ് ഉമ്മന്‍ ചാണ്ടി. പൊലീസിനെ അതിന്റെ വഴിയ്ക്ക് വിടണമെന്നും ഉമ്മന്‍ ചാണ്ടി ആവശ്യപ്പെട്ടു.

പൊലീസിന്റെ രാഷ്ട്രീയവത്ക്കരണമാണ് ഇപ്പോള്‍ മുഖ്യമായും നടക്കുന്നത്. രാഷ്ട്രീയ താത്പര്യങ്ങള്‍ക്കതീതമായി നിക്ഷ്പക്ഷ അന്വേഷണം നടത്താന്‍ പൊലീസിന് കഴിയുന്നില്ല. അതിന്റെ ദുരന്തഫലങ്ങള്‍ കേരളം അനുഭവിച്ചു കൊണ്ടിരിയ്ക്കുകയാണ്. ഇതിനെ സര്‍ക്കാര്‍ ഗൗരവമായി കാണണം

ഈ സര്‍ക്കാരിന്റെ കാലത്ത് എത്രാമത്തെ തവണയാണ് കോടതിയുടെ വിമര്‍ശനം ഏല്‍ക്കേണ്ടിവരുന്നതെന്ന് ഉമ്മന്‍ചാണ്ടി ചോദിച്ചു. വിമര്‍ശനങ്ങളെ ഗൗരവമായി എടുക്കാനോ, എന്തെങ്കിലും തിരുത്തല്‍ വരുത്താനോ സര്‍ക്കാര്‍ തയ്യാറാകുന്നില്ലെന്നും അദ്ദേഹം ചൂണ്ടിക്കാട്ടി.