ലാവലിന്‍ വാദം വേഗത്തിലാക്കിയത് എന്തിന്?

ദില്ലി: ലാവലിന്‍ കേസിലെ വാദം അതിവേഗത്തില്‍ പരിഗണിയ്ക്കാന്‍ സുപ്രീം കോടതി തയ്യാറായത് എന്തുകൊണ്ടാണെന്ന് വ്യക്തമാക്കണമെന്ന് ആവശ്യപ്പെട്ട് അപേക്ഷ. വിവരാവകാശ നിയമപ്രകാരം അഡ്വക്കേറ്റ് സുള്‍ഫിക്കര്‍ അലിയാണ് അപേക്ഷ സമര്‍പ്പിച്ചിരിയ്ക്കുന്നത്.

കേസില്‍ മന്ത്രിസഭാ തീരുമാനം മറികടന്ന് പ്രോസിക്യൂഷനെ അനുമതി നല്‍കിയ ഗവര്‍ണറുടെ തീരുമാനം ചോദ്യം ചെയ്ത് പിണറായി വിജയന്‍ നല്‍കിയ ഹര്‍ജിയില്‍ ഈ ആഴ്ച അന്തിമവാദം കേള്‍ക്കുന്നതിന് സുപ്രീം കോടതി തീരുമാനിച്ചിരുന്നു. ഈ ഹര്‍ജി പെട്ടെന്ന് പരിഗണിച്ചതിന് പിന്നിലുള്ള കാരണം തേടിയാണ് അപേക്ഷ.