അമേരിക്ക വിട്ടാന് അഭയാര്ത്ഥിയാകേണ്ടിവരും: റാണ
ജാമ്യം ലഭിക്കുന്നതിനുളള അവസാന ശ്രമത്തിന്റെ ഭാഗമായി റാണ കോടതിയില് സമര്പ്പിച്ച ജാമ്യാപേക്ഷയിലാണു ഇക്കാര്യം പറയുന്നത്.
രാജ്യാന്തര ബിസിനസ് ബന്ധമുള്ളതിനാല് രാജ്യം വിട്ടു പോകാന് സാധ്യതയുണ്ടെന്നു ചൂട്ടിക്കാട്ടി ഷിക്കാഗോ കോടതി നേരത്തെ റാണയുടെ ജാമ്യാപേക്ഷ തള്ളിയിരുന്നു.
ഈ സാഹചര്യത്തിലാണ് തനിക്കെതിരെ ചുമത്തപ്പെട്ട കുറ്റങ്ങളില് നിന്നു രക്ഷപെടാന് ഈ ബിസിനസ് ബന്ധങ്ങള് ഉപകരിക്കില്ലെന്നും അമേരിക്ക വിട്ടാല് താന് അഭിയാര്ഥിയായി മാറേണ്ടിവരുമെന്നും ചൂണ്ടിക്കാട്ടി റാണ വീണ്ടും ജാമ്യാപേക്ഷ സമര്പ്പിച്ചിരിക്കുന്നത്.
ഇതിനിടെ മുംബൈ ഭീകരാക്രമണത്തിനു സഹായം നല്കിയെന്ന കേസില് റാണയ്ക്കും ഡേവിഡ് കോള്മാന് ഹെഡ്ലിയ്ക്കുമെതിരെ അടുത്തയാഴ്ച വിചാരണ ആരംഭിക്കും.
രണ്ടുപേരെയും അടുത്താഴ്ച കോടതിയില് ഹാജരാക്കും. ഇരുവരെയും വ്യാഴാഴ്ച ഹാജരാക്കാനാണ് നിര്ദേശിച്ചിരുന്നത്.
പാക് വംശജനായ കാനഡ പൗരന് തഹാവൂര് റാണയെ ജനുവരി 25നും പാക് വംശജനായ യു.എസ് പൗരന് ഡേവിഡ് ഹെഡ്ലിയെ ജനുവരി 27നുമാണ് ഇല്ലിനോയിസിലെ ജില്ലാ മജിസ്ട്രേറ്റിനുമുന്നില് എത്തിക്കുക.
മുംബൈ ആക്രമണവും ഡാനിഷ് പത്രഓഫീസ് അക്രമിക്കാനുള്ളപദ്ധതി തയ്യാറാക്കിയതും ആണ് ഇവര്ക്കെതിരെ ചുമത്തിയിട്ടുള്ള കേസുകള്.