കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വീണ്ടും ഭീഷണി; രാജ്യം അതീവ ജാഗ്രതയില്‍

  • By Staff
Google Oneindia Malayalam News

India on Alert
ദില്ലി: റിപ്പബ്ലിക് ദിനത്തോടനുബന്ധിച്ച് ഇന്ത്യയില്‍ വ്യാപകമായി വ്യോമാക്രമണം നടത്താന്‍ ലഷ്കര്‍ ഇ തൊയ്ബയുടെ പദ്ധതി. യൂ

ഇതിനായി യൂറോപ്പില്‍നിന്ന് അമ്പതോളം പാരാ-ഗ്ലൈഡറുകള്‍ ഭീകരസംഘടന സ്വന്തമാക്കിയെന്നും റിപ്പോര്‍ട്ടുണ്ട്.

സാര്‍ക്ക് രാജ്യങ്ങളിലേക്കു പോകുന്ന ഇന്ത്യന്‍ വിമാനങ്ങള്‍ തട്ടിക്കൊണ്ടു പോകാന്‍ ലഷ്കര്‍ ഇ തൊയ്ബയും അല്‍ ക്വയ്ദയും പദ്ധതി തയാറാക്കിയെന്ന റിപ്പോര്‍ട്ട് പുറത്തു വന്നതിനു തൊട്ടു പിന്നാലെയാണു പുതിയ ഭീഷണിയെപ്പറ്റിയുള്ള ഇന്‍റലിജന്‍സ് റിപ്പോര്‍ട്ട്.

പാരാ ഗ്ലൈഡറുകള്‍ ഉപയോഗിച്ച് ചാവേര്‍ ആക്രമണം നടത്താന്‍ ലഷ്കര്‍ പ്രവര്‍ത്തകര്‍ പരിശീലനം തുടങ്ങിക്കഴിഞ്ഞെന്നാണു സൂചന. ഇവരെ നേരിടുന്നതിനു മോക്ക് ഡ്രില്ലുകള്‍ സംഘടിപ്പിക്കാന്‍ ആഭ്യന്തര മന്ത്രാലയം സുരക്ഷാ വിഭാഗങ്ങള്‍ക്കു നിര്‍ദേശം നല്‍കി.

ഇന്ത്യന്‍ വിമാനങ്ങള്‍ റാഞ്ചാന്‍ പദ്ധതി തയാറാക്കിയിരിക്കുന്നതു ലഷ്കര്‍ ഇ തൊയ്ബയും അല്‍ ക്വയ്ദയും ചേര്‍ന്നാണ്. ഇതു വ്യക്തമായതോടെ, സാര്‍ക്ക് രാജ്യങ്ങളിലേക്കു പോകുന്ന എല്ലാ ഇന്ത്യന്‍ വിമാനങ്ങള്‍ക്കും അതീവ ജാഗ്രത പ്രഖ്യാപിച്ചു.

വിമാനങ്ങളില്‍ സ്കൈ മാര്‍ഷലുകളെ നിയോഗിച്ചിട്ടുണ്ട്. ലാഡര്‍ പോയിന്‍റ് പരിശോധന നിര്‍ബന്ധമാക്കി. രാജ്യത്തെ വിമാനത്താവളങ്ങളില്‍ സുരക്ഷ കര്‍ക്കശമാക്കാന്‍ വ്യോമയാന മന്ത്രാലയം നിര്‍ദേശം നല്‍കി.

ബുധനാഴ്ച പിടിയിലായ, ഹര്‍ക്കത്ത് ഉല്‍ ജിഹാദി ഇസ്ലാമിയുടെ ദക്ഷിണേന്ത്യന്‍ മേധാവി മുഹമ്മദ് അംജദ് എന്ന ഖ്വാജയെ ചോദ്യം ചെയ്തപ്പോഴാണു റാഞ്ചല്‍ പദ്ധതി പുറത്തുവന്നത്. ഇയാള്‍ ഹൈദരാബാദ് പൊലീസിന്‍റെ കസ്റ്റഡിയിലാണ്. റിപ്പബ്ലിക് ദിനത്തില്‍ നഗരത്തില്‍ സ്ഫോടനം നടത്താനാണ് ഇയാള്‍ എത്തിയതെന്ന് ചോദ്യം ചെയ്യലില്‍ വ്യക്തമായി.

വ്യോമയാന മന്ത്രാലയത്തിന്‍റെയും ബ്യൂറോ ഒഫ് സിവില്‍ ഏവിയേഷന്‍ സെക്യൂരിറ്റിയുടെയും നിര്‍ദേശപ്രകാരം, കേരളത്തിലടക്കം മുന്‍കരുതലുകള്‍ സ്വീകരിച്ചിട്ടുണ്ടെന്ന് എയര്‍ ഇന്ത്യയും സ്വകാര്യ ഇന്ത്യന്‍ വിമാന സര്‍വീസുകളായ ജെറ്റ് എയര്‍വേയ്സും കിങ്ഫിഷറും അറിയിച്ചു.

ഭീഷണി സംബന്ധിച്ച് വിദേശ മന്ത്രാലയം സാര്‍ക്ക് രാജ്യങ്ങളിലെ ഇന്ത്യന്‍ നയതന്ത്ര കാര്യാലയങ്ങള്‍ക്കും അറിയിപ്പു നല്‍കിയിട്ടുണ്ട്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X