വനമേഖലയില്‍ തീവ്രവാദം സജീവം: കോടിയേരി

കണ്ണൂര്‍: കേരളത്തിന്റെ വനം-തീരദേശ മേഖലകള്‍ തീവ്രവാദ പ്രവര്‍ത്തനങ്ങള്‍ക്ക് ഉപയോഗിക്കുന്നതായി സൂചന ലഭിച്ചിട്ടുണ്ടെന്ന് ആഭ്യന്തരമന്ത്രി കോടിയേരി ബാലകൃഷ്ണന്‍.

ഇതിനെ നേരിടാനായി വനം-പൊലീസ് വകുപ്പുകള്‍ സംയുക്തമായി വനമേഖലയില്‍ ആവശ്യമായ സുരക്ഷ ക്രമീകരണങ്ങള്‍ ഏര്‍പ്പെടുത്തിയിട്ടുണ്ട്.

തീവ്രവാദത്തെ ആശയപരമായും ഭരണപരമായും നിയമപരമായും നേരിടും. വെല്ലുവിളികള്‍ ഏറ്റെടുക്കാന്‍ പൊലീസ് സേനയെ കാലോചിതമായി പരിഷ്‌ക്കരിയ്ക്കുമെന്നും അദ്ദേഹം അറിയിച്ചു. കണ്ണൂരില്‍ റിപ്പബ്ലിക് പരേഡില്‍ അഭിവാദ്യം സ്വീകരിച്ച ശേഷം സംസാരിക്കുകയായിരുന്നു അദ്ദേഹം.