വര്‍ഗീസ് വധം: വിചാരണ തുടരാമെന്ന് കോടതി

ദില്ലി: നക്‌സല്‍ വര്‍ഗീസ് വധക്കേസില്‍ മുന്‍ ഡിജിപി പി വിജയനെതിരായ വിചാരണ നടപടി തുടരാമെന്ന് സുപ്രീം കോടതി.

കേസില്‍ നിന്നും ഒഴിവാക്കണമെന്നാവശ്യപ്പെട്ട് വിജയന്‍ നല്‍കിയ ഹര്‍ജി തള്ളിക്കൊണ്ടാണ് കോടതിയുടെ ഉത്തരവ്.

വര്‍ഗീസിനെ പിടികൂടിയ ശേഷം വെടിവച്ചു കൊല്ലുകയായിരുന്നുവെന്ന കോണ്‍സ്റ്റബിള്‍ രാമചന്ദ്രന്റെ വെളിപ്പെടുത്തിലിന്റെ പശ്ചാത്തലത്തിലാണ് ഈ സംഭവത്തില്‍ സിബിഐ കേസ് രജിസ്റ്റര്‍ ചെയ്തത്.

അന്ന് ഡിഐജിയായിരുന്ന പി വിജയനും ഡിവൈഎസ്പി ലക്ഷ്മണനുമാണ് തനിക്ക് നിര്‍ദ്ദേശം നല്‍കിയതെന്നും രാമചന്ദ്രന്‍ വെളിപ്പെടുത്തിയിരുന്നു. രാമചന്ദ്രന്‍ പിന്നീട് മരിച്ചു.

ഈ പശ്ചാത്തലത്തില്‍ കുറ്റപത്രത്തില്‍ നിന്നും തന്നെ ഒഴിവാക്കണമെന്നായിരുന്നു വിജയന്റെ ഹര്‍ജി.