ഇന്ത്യയിലെ യുഎസ് പൗരന്‍മാര്‍ സൂക്ഷിക്കണം

വാഷിങ്ടണ്‍: ഇന്ത്യ ഇപ്പോഴും ഭീകരാക്രമണഭീഷണിയുടെ നിഴലില്‍ തന്നെയാണെന്ന് അമേരിക്ക. ഈ പശ്ചാത്തലത്തില്‍ ഇന്ത്യയിലേക്ക് വരുംമാസങ്ങളില്‍ യാത്ര ചെയ്യുന്ന യുഎസ് പൗരന്‍മാര്‍ സുരക്ഷ സംബന്ധിച്ച് ജാഗ്രത പാലിക്കണമെന്ന് യുഎസ് ആഭ്യന്തര മന്ത്രാലയം നിര്‍ദേശം നല്‍കി.

ഇന്ത്യയില്‍, യുഎസ് പൗരന്‍മാരടക്കമുള്ള പാശ്ചാത്യ വിനോദ സഞ്ചാരികള്‍ എത്തുന്ന ഹോട്ടലുകള്‍, കച്ചവടസ്ഥലങ്ങള്‍, പൊതുസ്ഥലങ്ങള്‍ തുടങ്ങിയ സ്ഥലങ്ങളില്‍ ആക്രമണം നടത്താനാണ് ഭീകരസംഘടനകള്‍ പദ്ധതിയിടുന്നതെന്നും പൊതുസ്ഥലങ്ങള്‍ സന്ദര്‍ശിക്കുമ്പോഴും ഹോട്ടലുകള്‍ തിരഞ്ഞെടുക്കുമ്പോഴും സുരക്ഷ ഉറപ്പുവരുത്തണമെന്നും ജാഗ്രതാ നിര്‍ദേശത്തില്‍ പറയുന്നു.

ഈ മുന്നറിയിപ്പിന്റെ കാലാവധി ഏപ്രില്‍ 30ന് അവസാനിക്കുമെന്ന് ആഭ്യന്തര മന്ത്രാലയം അറിയിച്ചിട്ടുണ്ട്.