കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

റഹ്മാന് രണ്ട് ഗ്രാമി പുരസ്‌ക്കാരങ്ങള്‍

  • By Staff
Google Oneindia Malayalam News

ലോസ് ആഞ്ചല്‍സ്: ഇന്ത്യന്‍ സംഗീത ചക്രവര്‍ത്തി എആര്‍ റഹ്മാന് ഗ്രാമി പുരസ്‌ക്കാരം. സംഗീതലോകത്തെ ഓസ്‌കാര്‍ എന്ന് വിശേഷിപ്പിയ്ക്കപ്പെടുന്ന ഗ്രാമി പുരസ്‌ക്കാരങ്ങളില്‍ രണ്ടെണ്ണം റഹ്മാന്റെ നേടി. അദ്ദേഹത്തിന് ഓസ്‌കാര്‍ നേടിക്കൊടുത്ത സ്ലംഡോഗ് മില്യനെയര്‍ എന്ന ചിത്രത്തിലെ ജയ്‌ഹോ എന്ന ഗാനത്തിനും ശബ്ദസങ്കലത്തിനുമാണ് പുരസ്‌ക്കാരം.

ഇതാദ്യമായാണ് ഗ്രാമി പുരസ്‌ക്കാരം റഹ്മാനെ തേടിയെത്തുന്നത്. ഗ്രാമി അവാര്‍ഡ് നേടുന്ന അഞ്ചാമത്തെ ഇന്ത്യക്കാരനാണ് റഹ്മാന്‍. സ്റ്റീവ് ജോര്‍ഡാന്‍, ബ്രൂസ് സ്പ്രിങ്സ്റ്റീന്‍ തുടങ്ങിയ പ്രമുഖരെ പിന്തള്ളിയാണ് റഹ്മാന്‍ ഗ്രാമി നേടിയത്.

പണ്ഡിറ്റ് രവിശങ്കര്‍, സാക്കീര്‍ ഹുസൈന്‍, വിക്കു വിനായക്, വിശ്വമോഹന്‍ ഭട്ട് എന്നിവര്‍ക്കാണ് ഇതിന് മുമ്പ് ഗ്രാമി നേടിയത്. ദൈവാനുഗ്രഹമാണു തന്റെ നേട്ടത്തിനു കാരണമെന്ന് സ്‌റ്റേപ്പിള്‍സ് സെന്ററില്‍ നടന്ന ചടങ്ങില്‍ പുരസ്‌കാരം ഏറ്റുവാങ്ങിക്കൊണ്ട് റഹ്മാന്‍ പറഞ്ഞു.

അഞ്ച് അവാര്‍ഡുകള്‍ നേടിയ പോപ് ഗായിക ബിയോണ്‍സാണ് ഗ്രാമി പുരസ്‌ക്കാരവേദിയിലെ താരം. 10 നോമിനേഷനുകളാണ് ബിയോണ്‍സിനുണ്ടായിരുന്നത്. കിങ്‌സ് ഓഫ് ലിയോണ്‍, ബ്ലാക്ക് ഐഡ് പെയ്‌സ്, ടെയ്‌ലര്‍ സിഫ്റ്റ് എന്നിവര്‍ മൂന്നു വീതവും ലേഡി ഗാഗാ, ജെ സെഡ്, എമിനെം എന്നിവര്‍ രണ്ടു വീതം അവാര്‍ഡുകളും നേടി.

മൈക്കിള്‍ ജാക്‌സന് മരണാനന്തര ബഹുമതിയായി പ്രത്യേക ഗ്രാമി അവാര്‍ഡ് നല്‍കി. സംഗീതലോകത്തിന് നല്‍കിയ സമഗ്ര സംഭാവനയ്ക്കുള്ള പുരസ്‌ക്കാരമാണ് ജാക്‌സന് നല്‍കിയത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X