മൂന്നാര്‍: ഉപസമിതി ശുപാര്‍ശ മന്ത്രിസഭ അംഗീകരിച്ചു

തിരുവനന്തപുരം: മൂന്നാറില്‍ ടാറ്റ നിര്‍മ്മിച്ച അനധികൃത ഡാമുകള്‍ പൊളിച്ചുനീക്കുന്നതടക്കം മന്ത്രിസഭാ ഉപസമിതി സമര്‍പ്പിച്ച 16 ശുപാര്‍ശകളും നടപ്പിലാക്കാന്‍ മന്ത്രിസഭ തീരുമാനിച്ചു. അതേ സമയം കയ്യേറ്റങ്ങള്‍ ഒഴിപ്പിയ്ക്കുന്നതിനായി പുതിയ ദൗത്യസംഘത്തെ നിയമിക്കില്ല. നിലവിലെ ഉദ്യോഗസ്ഥ സംഘം തന്നെ തുടരും. ആവശ്യമെങ്കില്‍ കൂടുതല്‍ ഉദ്യോഗസ്ഥരെ നിയോഗിക്കും.

ഉപസമിതി റിപ്പോര്‍ട്ട് പൂര്‍ണമായും അംഗീകരിച്ചുകൊണ്ടാണ് മന്ത്രിസഭ തീരുമാനമെടുത്തത്. 1977 ന് മുന്‍പ് മൂന്നാറില്‍ കുടിയേറിയവര്‍ക്ക് സപട്ടയം നല്‍കണമെന്ന എല്‍ഡിഎഫ് സമതി ശുപാര്‍ശയും മന്ത്രിസഭ അംഗീകരിച്ചതായി സൂചനയുണ്ട്്.

മൂന്നാര്‍ കയ്യേറ്റവുമായി ബന്ധപ്പെട്ട കേസുകള്‍ തീര്‍ക്കാന്‍ പ്രത്യേക കോടതി രൂപീകരിക്കും. ഇടുക്കി ജില്ല കലക്ടര്‍ അശോക് കുമാര്‍ സിങ്ങിനെ മാറ്റേണ്ടതില്ലെന്നു മന്ത്രിസഭ തീരുമാനിച്ചു.